বিশ্ব কাৰাটে দিৱসৰ দিনটোত কাৰাটেৰ কঠোৰ সাধনা কণমানি ৰিদ্ধী ৰাগিনীৰ

আজি বিশ্ব কাৰাটে দিৱস।আংশিক লকডাউনৰ মাজতে কাৰাটেৰ কঠোৰ অনুশীলন অব্যাহত ৰাখিছে কলিয়াবৰৰ ছয়বছৰীয়া কণমানি ৰিদ্ধী ৰাগিনী কাশ্যপে।

মাত্ৰ তিনি বছৰ বয়সৰ পৰাই কলিয়াবৰৰ সৰুভগীয়াত থকা টি আও ষ্টেডিয়ামত ব্লেকবেল্ট ডিগ্ৰীধাৰী বিপ্লৱ কুমাৰ শইকীয়াৰ তত্বাবধানত কঠোৰ অনুশীলনত ব্যস্ত হোৱা কণমানি ৰিদ্ধি ৰাগিনীৰ ঘৰ কলিয়াবৰ মহকুমাৰ বামুণী নিজৰি গাঁৱত।

২০১৩ চনৰ ১৫ নৱেম্বৰত জন্মগ্ৰহণ কৰা ৰিদ্ধী ৰাগিনীৰ পিতৃ শ্ৰৱন চাহু আৰু মাতৃ বন্দিতা দেৱী।

পিতৃ-মাতৃৰ কঠোৰ পৰিশ্ৰম আৰু কনমানিজনীৰ মনত থকা উদ্যম হেপাঁহৰ বাবে মাত্ৰ দুটা বছৰতে কাৰাটেৰ কৌশল আয়ত্ব কৰিবলৈ সক্ষম হয় কণমানিজনীয়ে।

সেয়ে খুউৱ সোনকালেই ৰিদ্ধীয়ে লাভ কৰে কাৰাটে সেউজীয়া বেল্ট।

ইতিমধ্যে স্পৰ্টছ কাৰাটে এছ’চিয়েচন অব ইণ্ডিয়াৰ দ্বাৰা কলকাতাৰ নেতাজী ইনড’ৰ ষ্টেডিয়ামত ২০১৮ চনৰ ২৯ ডিচেম্বৰত অনুষ্ঠিত হোৱা কাৰাটে বিশ্বকাপত অশংগ্ৰহণ কৰি সোণৰ পদক লাভ কৰিবলৈ সক্ষম হয় ৰিদ্ধী ৰাগিনী কাশ্যপে।

বৰ্তমান তেজপুৰস্থিত গুৰুকূলৰ দ্বিতীয় মানৰ ছাত্ৰী ৰিদ্ধীৰ প্ৰশিক্ষক বিপ্লৱৰ লগতে পিতৃ- মাতৃৰ আশা কাৰাটেৰ জৰিয়তেই অনাগত দিনবোৰতো উজ্বলি উঠিব কণমানিজনী।