বোকাখাত আৰক্ষীৰ অভিযানত একেদিনাই জব্দ তিনিখনকৈ চোৰাং কয়লা ভৰ্তি ট্ৰাক

দেওবাৰৰ দিনা চোৰাং কয়লাৰ বিৰুদ্ধে বোকাখাত আৰক্ষীয়ে চলোৱা বিশেষ অভিযানত তৃতীয়খন চোৰাং কয়লা অনা ট্ৰাক জব্দ কৰিবলৈ সক্ষম হয়।

গোলাঘাট জিলাৰ অতিৰিক্ত আৰক্ষী অধীক্ষক অঞ্জন পণ্ডিতৰ বিশেষ তৎপৰতাত চলা এই অভিযানত বোকাখাতৰ আৰক্ষীয়ে ইতিমধ্যে দুখন কয়লা ভৰ্তি ট্ৰাক জব্দ কৰিছিল ৷

শেহতীয়াকৈ জব্দ কৰা তৃতীয়খন কয়লাৰ ট্ৰাকৰ পঞ্জীয়ন নম্বৰ হ’ল AS01-GC -5192। ট্ৰাকখনে ৩৫টন কয়লা লৈ নিমনাগড়ৰ পৰা নগাঁওৰ লংকা অভিমুখে গৈ আছিল।

বোকাখাতত আৰক্ষীৰ নিৰ্দেশ অমান্য কৰা গাড়ীখনক পিচত আৰক্ষীয়ে কৰায়ত্ত্ব কৰি বোকাখাত আৰক্ষী থানালৈ আনে ৷ গাড়ীখনৰ চালককো আটক কৰে আৰক্ষীয়ে ৷

উল্লেখ্য যে দেওবাৰৰ দিনা বোকাখাত আৰক্ষীয়ে AS01GC 7887 আৰু AS 03 BC- 9311 নম্বৰৰ আন দুখন চোৰাং কয়লা ভৰ্তি ট্ৰাকো জব্দ কৰে ৷ দুয়োখন ট্ৰাকতে ক্ৰমে ৩৬ টন আৰু ৩৫ টনকৈ কয়লা আছিল ৷

তিনিখন ট্ৰাকৰ লগতে তিনিজন চালক ইনজামানুল হক, বিজয় সিং আৰু চোবান বোধাকো আটক কৰিছে আৰক্ষীয়ে ৷