নগাঁৱৰ হদহদী জলপ্ৰপাতত সৌন্দৰ্য্য উপভোগ কৰিবলৈ যোৱা দুজন যুৱক সন্ধানহীন

নগাঁও জিলাৰ চামগুৰি আৰক্ষী থানাৰ অন্তৰ্গত লুংচুং হদহদী জলপ্ৰপাতত শুকুৰবাৰে বিয়লি দুজন যুৱক সন্ধানহীন হোৱা ঘটনাই সমগ্ৰ জিলাতে তীব্ৰ চাঞ্চল্যৰ সৃষ্টি কৰিছে ৷

লুংচুং চাহবাগিছাৰ সমীপৰ হদহদী জলপ্ৰপাতৰ সৌন্দৰ্য উপভোগ কৰিবলৈ গুৱাহাটী আৰু নগাঁৱৰ মুঠ ৮ জন যুৱক শুকুৰবাৰে দুপৰীয়া সেই স্থানত উপস্থিত হয় ৷

জলপ্ৰপাতটোৰ সৌন্দৰ্য উপভোগ কৰাৰ লগতে ফটো উঠিবলৈ ধৰাৰ সময়তে গুৱাহাটীৰ বশিষ্ঠৰ ৰাজেশ চাহানীৰ পুত্ৰ পংকজ চাহানী(২৩) আৰু নগাঁৱৰ লাওঁখোৱা ৰোডৰ মহিন্দ্ৰ শ্বাহৰ পুত্ৰ মিন্টু শ্বাহ(২২) নামৰ যুৱক দুজন জলপ্ৰপাতত পিছলি পৰি সন্ধানহীন হৈ পৰে ৷

পৰৱৰ্তী সময়ত চামগুৰি আৰক্ষী থানাৰ আৰক্ষী ঘটনাস্থলীত উপস্থিত হৈ সন্ধানহীন হোৱা যুৱক দুজনক উদ্ধাৰ কৰিবলৈ অভিযান অব্যাহত ৰাখিছে।