মটক যুৱ ছাত্ৰ সন্মিলনৰ চাবুৱা আঞ্চলিকৰ উদ্যোগত আয়োজিত বিহু কৰ্মশালাৰ সামৰণি

আগন্তুক ৰঙালী বিহু উপলক্ষে সমগ্ৰ ৰাজ্যৰ লগতে চাবুৱাতো চলি থকা বিহু কৰ্মশালাৰ আজি সামৰণি পৰে।

উল্লেখযোগ্য যে চাবুৱা আঞ্চলিক মটক যুৱ-ছাত্ৰ সন্মিলনৰ উদ্যোগত আৰু পুলুঙা, ৰহমৰীয়া, দিনজয়, বগডুং, চেতিয়া পথাৰ-বটালিঘাট আঞ্চলিকৰ সহযোগত অনুষ্ঠিত হোৱা বিহু কৰ্মশালা আৰু পৰম্পৰাগত মটক জনগোষ্ঠী গছতলৰ বিহু কৰ্মশালাৰ আজি চাবুৱা পেট্ৰ’ল পাম্পৰ সমীপত সামৰণি অনুষ্ঠান আয়োজন কৰা হয়।

উক্ত অনুষ্ঠানত সদৌ অসম মটক সন্মিলনৰ সভাপতি চন্দ্ৰ সেনাপতি, মটক যুৱ-ছাত্ৰ সন্মিলনৰ মুখ্য উপদেষ্টা উদয় শংকৰ মহন, সভাপতি ডেভিদ চেতিয়াকে ধৰি কেইবাজনো কেন্দ্ৰীয় বিষয়ববীয়া উপস্থিত থাকে।

এই বিহু কৰ্মশালাৰ সামৰণি অনুষ্ঠানত কৰ্মশালাটোৰ মুখ্য প্ৰশিক্ষক প্ৰিয়ংকা চিফৌ হাজৰিকা আৰু মটক জনগোষ্ঠী গছ তলৰ বিহুৰ প্ৰশিক্ষক মনালিছা শইকীয়াক সম্বৰ্ধনা জনোৱা হয়।