পুৰণিগুদামৰ হাতীগাঁৱত ধাননি পথাৰত মহিলাই চটিয়ালে ৰবাব টেঙাৰ বাকলি, কিয়?

আজি কাতিবিহু। ৰাজ্যৰ সৰ্বত্ৰে আজি কঙালীক আদৰাৰ ব্যাপক উৎসাহ-উদ্দীপনা।

কঙালী বুলি ক’লেও কিন্তু অসমীয়া ৰাইজে এই বিহুটিতেই পালন কৰে বিভিন্ন পৰম্পৰাগত ৰীতি-নীতি প্ৰথা।

বিহুৰ দিনা পুৱাই কণকণ শিশুহঁতে তুলসী ভেঁটি নিৰ্মাণ কৰা, সন্ধিয়া মহিলা সকলে পথাৰত বন্তি জ্বলোৱা, তুলসীৰ তলত ধূপ-দীপ-নৈবেদ্য আগবঢ়োৱাৰ লগতে আকাশবন্তি জ্বলোৱা আদি পৰ্ব পালন কৰাটো প্ৰতিজন অসমীয়াৰ এক নিৰ্ধাৰিত সূচী।

ঠিক একেদৰে নগাঁও জিলাৰ পুৰণিগুদামৰ হাতীগাঁৱৰ একাংশ মহিলায়ো আজি কাতিবিহুৰ দিনটোত পৰম্পৰা অক্ষুণ্ণ ৰাখি পালন কৰিলে কেতবোৰ ৰীতি-নীতি।

আজি বিয়লিৰ ভাগত গাঁও খনৰ মহিলাসকল ওলাই আহিল ধাননি পথাৰলৈ।

Latest News:Attack on Hindu at Bangladesh: গৰজি উঠিল বাংলাদেশৰ জনপ্ৰিয় অভিনেত্ৰী ৰছিদ মিথিলা

গাঁও খনৰ প্ৰায় দুকুৰি মহিলাই পূৰ্বৰ দৰেই বাৰীৰ পৰা ৰবাবটেঙা চিঙি আনি সকলোৱে সমিল মিলেৰে টেঙাৰ জুতি ল’লে পথাৰৰ আলিত।

লগতে ৰবাবটেঙাৰ অৱশিষ্ট বাকলিখিনি চটিয়াই দিলে ধাননি পথাৰত।

প্ৰবাদ আছে কাতি বিহুৰ দিনটোত ধাননি পথাৰত ৰবাবটেঙাৰ বাকলি চটিয়ালে দূৰ হয় কীট-পতঙ্গ।

গাঁৱৰ মহিলাসকলৰ দ্বাৰা পালন কৰা এই বিশেষ পৰম্পৰাগত টেঙা খোৱা পৰ্বই কাতি বিহুৰ পৰিবেশত সোণত সুৱগা চৰালে।