ভেজাল কৃষি বীজ-ৰাসায়নিক সাৰৰ ৰমৰমীয়া বেহা; হাজাৰ হাজাৰ বিঘা বিলাহী খেতিৰ কৃষকক মাধমাৰ

বৰপেটা জিলাৰ বাণিজ্য চহৰ হিচাপে বিবেচিত বৰপেটা ৰোড কৃষিৰ বাবেও বিখ্যাত৷ বৰপেটা ৰোডৰ খাৰিজা বিজনীৰ বিলাহী উৎপাদনে অসমৰ জনসাধাৰণৰ অৰ্ধ শতাংশ চাহিদা পূৰণ কৰে ৷

ইয়াৰ উপৰি খাৰিজা বিজনী মৌজাৰ অন্তৰ্গত শুক্লুংবাৰী, উননেকুৰি, পোৰাগাঁও, বগুৰিগুৰি, ভৰাপাতা, নিজ ডাকুৱা এই অঞ্চলৰ কৃষক সকলে ঋণ লৈ হাজাৰ হাজাৰ হেক্টৰ বিঘা পাচলি খেতি কৰি জীৱিকা নিৰ্বাহ কৰি আহিছে ৷

কিন্তু চলিত বৰ্ষত ভেজাল বীজ আৰু ভেজাল ৰাসায়নিক সাৰৰ ৰমৰমীয়া বেহাই আমানিশা কঢ়িয়াই আনিছে এই কৃষসকলৰ জীৱনলৈ।

ভেজাল বীজৰ বাবেই এইবাৰ হাজাৰ হাজাৰ হেক্টৰ বিলাহী খেতিত ফল নধৰে আৰু ভেজাল ৰাসায়নিক সাৰৰ বাবে গছ মৰহি যোৱা পৰিলক্ষিত হৈছে ৷

Also Read: Crime in the City পুনেৰ কিডনী বেপাৰীৰূপী চিকিৎসকক অসমত গ্ৰেপ্তাৰ; গতাই দিয়া হল ডেৰাডুন আৰক্ষীক

কৃষি বিভাগৰ বৰমুৰীয়া বিষয়া সকলে ভেজাল বেহাৰ লগত জড়িত থকাৰ সন্দেহ প্ৰকাশ কৰি শনিবাৰে কৃষক মুক্তি সংগ্ৰাম সমিতিৰ বৰপেটা জিলাৰ সম্পাদক কাজী নাজিমূল হকে পথাৰৰ মাজতেই সংবাদমেল অনুষ্ঠিত কৰি কেতবোৰ ভয়ংকৰ অভিযোগ উত্থাপন কৰে।

তেওঁ লগতে চৰকাৰক শীঘ্ৰেই বিহীত ব্যৱস্থা গ্ৰহণ কৰিবলৈ দাবী জনায়।