বিকলাঙ্গ সৈনিকৰ বাবে পুঁজি সংগ্ৰহৰ উদ্দেশ্যে কাশ্মীৰৰ পৰা কন্যাকুমাৰীলৈ দৌৰৰ লক্ষ্য ৬১ বছৰীয়া দৌৰবিদৰ

৭৬ দিনৰ ভিতৰত জম্মু আৰু কাশ্মীৰৰ পৰা কন্যাকুমাৰীলৈ মুঠ ৪,৪৪৪ কিলোমিটাৰ দূৰত্ব অতিক্ৰমৰ লক্ষ্যৰে কুমাৰ আজৱানি নামৰ এগৰাকী ৬১ বছৰীয়া দৌৰবিদে আৰম্ভ কৰিছে দৌৰ।

জম্মু-ভিত্তিক প্ৰতিৰক্ষা মুখপাত্ৰ এজনে কয় যে এই দীৰ্ঘ দূৰত্বৰ দৌৰৰ মাজেৰে আজৱানিয়ে সজাগতা বৃদ্ধি আৰু বিকলাঙ্গ সৈনিকসকলৰ বাবে পুঁজি সংগ্ৰহৰ প্ৰচেষ্টা চলাব। লগতে বয়স্ক ভাৰতীয়ৰ দ্বাৰা দীৰ্ঘ দূৰত্বৰ দৌৰৰ বিশ্ব অভিলেখ গঢ়াৰ লক্ষ্যও লৈছে আজৱানিয়ে।

মুখপাত্ৰ জনে লগতে কয় যে ১৯ নৱেম্বৰত উধমপুৰ জিলাৰ পাটনিটপ পাহাৰীয়া ৰিজৰ্টৰ পৰা আৰম্ভ হোৱা অভিযানৰ তৃতীয় দিনা সৈনিক কল্যাণ বিভাগ, জম্বু-কাশ্মীৰত উপস্থিত হোৱাৰ লগে লগে সৈনিক ভৱনত আজৱানীক উষ্ম আদৰণি জনায়।

ৰাজ্য সৈনিক বোৰ্ডৰ কাৰ্যালয়ৰ পৰা সঞ্চালক ব্ৰিগেডিয়াৰ গুৰমিত সিং শানে বৃহৎ সংখ্যক প্ৰাক্তন সৈনিকৰ উপস্থিতিত কুমাৰ আজৱানিৰ অভিযানৰ ফ্লেগ অফ কৰিছিল।

উল্লেখ্য যে, আজৱানী হৈছে টিম এফএবি ফাউণ্ডেচনৰ প্ৰতিষ্ঠাপক-সঞ্চালক। কিছুসংখ্যক দৌৰবিদৰ দ্বাৰা গঠিত এই সংস্থাটোৱে ফিটনেছৰ সজাগতা বৃদ্ধিৰ উদ্দেশ্যে কাম কৰে।

‘আত্মনিৰ্ভৰ ভাৰত ৰাণ’ নামৰ এই প্ৰচেষ্টাত গুণগত শিক্ষাৰ প্ৰয়োজনীয়তা, জনজাতীয় বিদ্যালয়সমূহৰ উন্নীতকৰণ আৰু “এক ভাৰত আৰু ঐক্যবদ্ধ ভাৰত”ৰ বাৰ্তা প্ৰচাৰৰ ওপৰতো গুৰুত্ব আৰোপ কৰা হ’ব।

আজৱানিএজন মাৰাথনাৰ যি সামাজিক কাৰণত বহুতো আন্তঃ-চহৰ আৰু আন্তঃৰাজ্যিক দৌৰ সামৰি লৈছে আৰু সংগ্ৰহ কৰা পুঁজিৰ জৰিয়তে দৰিদ্ৰ লোকসকলক সহায় কৰি আহিছে।