পৰিয়াল আৰু বন্ধুবৰ্গৰ উপস্থিতিত বিবাহ পাশত আৱদ্ধ হ’ল সমকামী দম্পতী

বৈবাহিক সম্বন্ধত বান্ধ খাইছে হায়দৰাবাদৰ এহাল সমকামী দম্পতী। ৩৪ বছৰীয়া অভয় ডাংগে আৰু ৩১ বছৰীয়া সুপ্ৰিয় চক্ৰৱৰ্তীয়ে শনিবাৰে তেওঁলোকৰ বন্ধু আৰু পৰিয়ালৰ সদস্যৰ উপস্থিতিত বিবাহ পাশত আৱদ্ধ হয়।

যোৱা আঠ বছৰ ধৰি প্ৰেমৰ সম্পৰ্কৰ অন্তত শনিবাৰে বৈবাহিক সম্পৰ্ক গঢ়ি তোলে অভয় আৰু সুপ্ৰিয়ই।

উল্লেখ্য যে ভাৰতত সমকামী দম্পতীয়ে আইনৰ অধীনত বিবাহ পঞ্জীয়ন কৰিব নোৱাৰে। অৱশ্যে ২০১৮ চনত উচ্চতম ন্যায়ালয়ে সমকামিতাক অপৰাধ মুক্ত বুলি ঘোষণা কৰিছিল।

সংবাদ সংস্থা টাইমছ অৱ ইণ্ডিয়াই জনোৱা অনুসৰি ১৮ ডিচেম্বৰত এক অনুষ্ঠানত সুপ্ৰিয় চক্ৰৱৰ্তী আৰু অভয় ডাঙে আঙুঠি বিনিময় কৰিছিল।

 

View this post on Instagram

 

A post shared by Supriyo (He/His/Him) (@chakraborty.supriyo)

হায়দৰাবাদৰ উপকণ্ঠত অনুষ্ঠিত এই অনুষ্ঠানত পাঞ্জাৱী আৰু বাংলা পৰম্পৰাৰ সংমিশ্ৰণ দেখিবলৈ পোৱা গৈছে। বিয়াৰ পূৰ্বে তেওঁলোকৰ এটা মেহেন্দি আৰু হালধি অনুষ্ঠান আৰু সংগীত অনুষ্ঠানো অনুষ্ঠিত হৈছিল।

“আমাৰ পিতৃ-মাতৃ আনন্দিত হৈছিল যে আমি তেওঁলোকক আৰম্ভণিৰে পৰা আমাৰ সম্পৰ্কৰ বিষয়ে জ্ঞাত কৰিছিলো আৰু তেওঁলোকে আমাৰ সম্পৰ্কক যথেষ্ট সমৰ্থন কৰি আহিছে।”-হিউমেনছ অফ হায়দৰাবাদ নামৰ এখন আলোচনীৰ আগত সুপ্ৰিয় চক্ৰৱৰ্তীয়ে কয়।

“সমকামী পুৰুষ হিচাপে গ্ৰহণ কৰাৰ আমাৰ যাত্ৰা বৰ কঠিন নহয়। এবাৰ আপুনি এক গুৰুত্বপূৰ্ণ লোকৰ ওচৰলৈ ওলাই আহে আৰু তেওঁলোকে আপোনাক গ্ৰহণ কৰে। আপোনাৰ আত্মবিশ্বাস বৃদ্ধি পায় আৰু প্ৰতিজন নতুন ওলাই অহা সহজ হৈ পৰে।”- তেওঁ লগতে কয়।