লোককৃষ্টিৰ সাধক খগেন গগৈক প্ৰতিমা পাণ্ডে বৰুৱা স্মাৰক বঁটা-২০২১ প্ৰদান আছুৰ

গোৱালপৰীয়া লোকগীতৰ সম্ৰাজ্ঞী পদ্মশ্ৰী প্ৰতিমা বৰুৱা পাণ্ডেৰ ১৯তম মৃত্যু বাৰ্ষিকীৰ লগত সংগতি ৰাখি সদৌ অসম ছাত্ৰ সন্থাই সোমবাৰে মহানগৰীৰ চানমাৰিস্থিত প্ৰতিমা বৰুৱা পাণ্ডে প্ৰতিমূৰ্তিস্থলীত পদ্মশ্ৰী প্ৰতিমা বৰুৱা পাণ্ডে স্মাৰক বঁটা লোককৃষ্টিৰ সাধক খগেন গগৈক প্ৰদান কৰে।

উল্লেখ্য যে  ২০০৭  চনৰ পৰা ২০২০ চনলৈ এই বঁটা প্ৰাপক লোককৃষ্টিৰ সাধকসকল হৈছে ক্ৰমে বিমল মালী, সীতানাথ ৰায়, তুলসী নেওগ ওজা, ফুলকুমাৰী কলিতা, শুক্ৰাচাৰ্য্য ৰাভা, ড°  অনিল শইকীয়া, মুহিবুৰ ৰহমান,জয়াচৰন বাথাৰী, দীপক কুমাৰ পাম, স্নেহলতা দাস, চন্দ্ৰ ছিং ক্ৰ, শম্ভু ৰাভা, বিনোদ সনাল আৰু  পবিত্ৰ ৰাভা।

Also Read: অসম সাহিত্য সভাৰ ১০৫সংখ্যক প্ৰতিষ্ঠা দিৱস; বৰ্ণাঢ্য জনগোষ্ঠীয় সাংস্কৃতিক সমাৰোহ অনুষ্ঠিত

এইবছৰ এই বঁটা বিহু সম্ৰাট খগেন গগৈক প্ৰদান কৰা হয়। বঁটা গ্ৰহণ কৰি শিল্পী গগৈয়ে প্ৰতিমা পাণ্ডে বৰুৱাৰ সৈতে কটোৱা সুমধুৰ স্মৃতি বৰ্ণনা কৰে।

লোককৃষ্টিৰ সাধকগৰাকীয়ে এই বঁটা লাভ কৰি সন্তোষ প্ৰকাশ কৰাৰ লগতে সদৌ অসম ছাত্ৰ সন্থাক কৃতজ্ঞতা জ্ঞাপন কৰে।