পশ্চিম বংগত ৰাজনৈতিক হিংসা: বাসগৃহত অগ্নিসংযোগ; ৮ জনৰ মৃত্যু
পশ্চিম বংগত ভয়াৱহ ৰূপ ধাৰণ কৰিছে ৰাজনৈতিক হিংসাই। ৰাজ্যখনৰ বীৰভূমত আজি কেইবাটাও বাসগৃহত অগ্নি সংযোগ কৰাৰ ফলত আঠজনকৈ লোকৰ মৃত্যু হৈছে।
এজন ৰাজনৈতিক নেতাৰ হত্যাৰ প্ৰতিশোধ মৰ্মেই এই হিংসাত্মক পৰিস্থিতিৰ সৃষ্টি হৈছে বুলি অভিযোগ উত্থাপন হৈছে।
উল্লেখ্য সোমবাৰে বীৰভূমৰ ৰামপুৰহাটত দুৰ্বৃত্তৰ বোমা আক্ৰমণৰ ফলত তৃণমূল কংগ্ৰেছৰ পঞ্চায়ত নেতা ভাদু প্ৰধান নিহত হৈছিল।
এই হত্যাকাণ্ডৰ প্ৰতিশোধ স্বৰূপেই আজি অঞ্চলটোৰ কেইবাটাও ঘৰত জুই লগোৱা হয় বুলি সন্দেহ কৰা হৈছে।
ঘৰবোৰত অগ্নি সংযোগ কৰাৰ পূৰ্বে ঘৰৰ দুৱাৰবোৰ বাহিৰৰ পৰা বন্ধ কৰি দিয়া হৈছিল বুলি স্থানীয় ৰাইজে জানিবলৈ দিয়ে।
এই হিংসাত্মক ঘটনাৰ পিছত বৰ্তমানলৈকে আঠটা মৃতদেহ উদ্ধাৰ কৰা হৈছে। ইয়াৰে সাতটা মৃতদেহ একেটা ঘৰৰ পৰাই উদ্ধাৰ কৰা হৈছে বুলি সংবাদ মাধ্যমত প্ৰকাশ পাইছে।
ইতিমধ্যে এই ভয়াৱহ ঘটনাটোৰ প্ৰতি লক্ষ্য ৰাখি বংগ চৰকাৰে জ্যেষ্ঠ বিষয়া জ্ঞানৱন্ত সিং, মিৰাজ খালিদ আৰু সঞ্জয় সিঙক লৈ তিনিজনীয়া বিশেষ অনুসন্ধান দল গঠন কৰিছে।
আনহাতে ৰামপুৰহাট আৰক্ষী থানাৰ ভাৰপ্ৰাপ্ত বিষয়া আৰু উপ-বিভাগীয় আৰক্ষী বিষয়াক তাৎক্ষণিক ভাৱে নিলম্বন কৰা হৈছে।
You may also like
নেতাজীকো শুনানিলৈ মাতিলেহেঁতেন! জন্মজয়ন্তীত কেন্দ্ৰ আৰু নিৰ্বাচন আয়োগক লক্ষ্য কৰি মমতাৰ তীব্ৰ আক্ৰমণ
নেতাজী সুভাষ চন্দ্ৰ বসুৰ জন্মজয়ন্তীত শ্ৰদ্ধাঞ্জলি জনাবলৈ গৈ পশ্চিমবংগৰ মুখ্যমন্ত্ৰী মমতা বন্দোপাধ্যায়ে কেন্দ্ৰীয় চৰকাৰ আৰু নিৰ্বাচন আয়োগৰ বিৰুদ্ধে তীব্ৰ ক্ষোভ প্ৰকাশ কৰে।…
ইউক্ৰেইনৰ সৈতে আলোচনাৰ বাবে বিশেষ চৰ্ত বান্ধি দিলে ৰাছিয়াই, কি সেই চৰ্ত?
বোমা-গুলীৰ শব্দই এতিয়া চানি ধৰিছে বিশ্বৰ তেনেই সৰু দেশ ইউক্ৰেইনক। বিপদৰ সময়ত দেশখনক সহায় কৰিবলৈও কোনো দেশে কাষত থিয় হোৱা নাই। ইমানৰ…
অসম-মিজোৰামৰ সীমা বিবাদ: কেন্দ্ৰীয় গৃহমন্ত্ৰীক হস্তক্ষেপৰ দাবী লাল থানহাওলাৰ
অসম-মিজোৰামৰ সীমা বিবাদে গুৰুতৰ ৰূপ ধাৰণ কৰাৰ সময়তে এই বিবদমান বিষয়টোত কেন্দ্ৰীয় গৃহমন্ত্ৰী ৰাজনাথ সিঙৰ হস্তক্ষেপ বিচাৰিছে সীমামূৰীয়া ৰাজ্যখনৰ মুখ্যমন্ত্ৰী লাল থানহাওলাই।…
বাৰীতে আছে সুস্বাস্থ্যৰ মন্ত্ৰ: ‘এলাগী’ জিলমিলত লিভাৰ-কিডনিৰ যতন
সাধাৰণতে আমাৰ চকুৰ সন্মুখত দেখি এই শাকবিধৰ উপকাৰ জানিলে আচৰিত হোৱাৰেই কথা। জিলমিক শাক হিচাপে পৰিচিত এই শাকবিধ বেলেগৈ খেতি কৰাৰ প্ৰয়োজন…