৫ দিনীয়া কাৰ্য্যসূচীৰে অসমত উপস্থিত লোকসভাৰ অধ্যক্ষ ওম বিৰলা

অসম বিধান সভাত অনুষ্ঠিত হোৱা কমনৱেলথ পাৰ্লিয়ামেন্টৰী এছ’চিয়েশ্যন (চিপিএ)ৰ মধ্যবৰ্ষীয়া কাৰ্যকৰী সমিতিৰ বৈঠকত ৫৩ খন কমনৱেলথ দেশ আৰু দেশৰ নটা অঞ্চলৰ আঞ্চলিক প্ৰতিনিধিসকলে অংশগ্ৰহণ কৰে। ইয়াৰে ১৫ খন দেশৰ প্ৰতিনিধি বিধানসভাত উপস্থিত থাকে। বাকী দেশৰ প্ৰতিনিধিয়ে ইয়াত ভাৰ্চুৱেলী অংশগ্ৰহণ কৰে।

১১ আৰু ১২ এপ্ৰিলত গুৱাহাটীত অষ্টম চিপিএ ইণ্ডিয়া ৰিজিয়ন সন্মিলনো অনুষ্ঠিত হ’ব।

লোকসভাৰ অধ্যক্ষ ওম বিৰলাই আজি অসম বিধানসভাৰ চৌহদত এই অনুষ্ঠানৰ উদ্বোধন কৰে।

লগতে পঢ়ক: আইপিএল-২০২২: পঞ্জাৱৰ বিৰুদ্ধে অন্তিম দুটা বলত ছয় কোবাই গুজৰাটক জয়ী কৰিলে তেওৱাটিয়াই

তেওঁৰ লগত সংস্কৃতি, পৰ্যটন আৰু উন্নয়ন মন্ত্ৰী জি কিষাণ ৰেড্ডী, মুখ্যমন্ত্ৰী হিমন্ত বিশ্ব শৰ্মা আৰু বিধানসভাৰ অধ্যক্ষ বিশ্বজিত দৈমাৰী উপস্থিত থাকে।

দুয়োটা কাৰ্যসূচী অসম বিধানসভা গৃহত অনুষ্ঠিত হ’ব।

দেশত প্ৰথমবাৰৰ বাবে অসম বিধানসভাই ভাৰতৰ হৈ চিপিএৰ মধ্যবৰ্ষৰ কাৰ্যকৰী সমিতিৰ বৈঠক আয়োজন কৰিছে।

লগতে পঢ়ক: ৰাছিয়াই দেশখনত বন্ধ কৰিলে এমেনেষ্টি ইন্টাৰনেশ্যনেল আৰু হিউমেন ৰাইটছ ৱাচ্চৰ কামকাজ

ভাৰতৰ আঞ্চলিক সন্মিলনত সকলো বিধানসভাৰ অধ্যক্ষ, উপাধ্যক্ষ, বিৰোধী দলৰ নেতা, লোকসভা আৰু ৰাজ্যসভাৰ সদস্যসহ ২০০ ৰো অধিক প্ৰতিনিধিয়ে অংশগ্ৰহণ কৰে।