অচিৰেই বন্যপ্ৰাণী অভয়াৰণ্য হিচাপে ঘোষণা কৰা হ’ব গড়ভাঙা বন সংৰক্ষিত অঞ্চলক

অসমৰ গড়ভাঙা সংৰক্ষিত বনাঞ্চলক শীঘ্ৰেই বন্যপ্ৰাণী অভয়াৰণ্য হিচাপে ঘোষণা কৰাৰ সম্ভাৱনা আছে।

বন্যপ্ৰাণী অভয়াৰণ্য ঘোষণা হ’লে মেঘালয়ৰ সীমান্তৱৰ্তী গড়ভাঙা সংৰক্ষিত বনাঞ্চল অসমৰ ২৫তম বন্যপ্ৰাণী অভয়াৰণ্য হৈ পৰিব।

“সংশোধিত বন্যপ্ৰাণী (সুৰক্ষা) আইন, ১৯৭২ৰ ধাৰা ১৮(১), (২)ৰ অধীনত প্ৰদান কৰা ক্ষমতা ব্যৱহাৰ কৰি অসমৰ ৰাজ্যপালে ইয়াৰ অনুসূচীত বৰ্ণনা কৰা ভূমি গড়ভাঙা বন্যপ্ৰাণী অভয়াৰণ্য হিচাপে ঘোষণা কৰিবলৈ পাই আনন্দিত হৈছে,” অসমৰ ৰাজ্যপালৰ এক জাননীত এই কথা উল্লেখ কৰা হৈছে। 

লগতে পঢ়ক: নগাঁৱত আৰক্ষীৰ গুলীত আহত অস্ত্ৰ সৰবৰাহকাৰী

অধিকাৰ সুৰক্ষাৰ নিশ্চিত কৰাৰ পিছত ৰাণী আৰু গড়ভাঙা সংৰক্ষিত বনাঞ্চলৰ মুঠ ১১৭ বৰ্গ কিলোমিটাৰ ভূমি এলেকা বন্যপ্ৰাণী অভয়াৰণ্য হিচাপে ঘোষণা কৰাৰ সম্ভাৱনা আছে।

অসমৰ ৰাজ্যপালে বন্যপ্ৰাণী (সুৰক্ষা) আইন, ১৯৭২ ৰ ধাৰা ১৮(বি)ৰ অধীনত সীমাত বা ইয়াৰ ভিতৰত থকা ভূমিত যিকোনো ব্যক্তিৰ অস্তিত্ব, প্ৰকৃতি আৰু অধিকাৰ নিৰ্ধাৰণ কৰিবলৈ কামৰূপ-মেট্ৰ’ জিলাৰ উপায়ুক্তক নিযুক্তি দিছে।