পাঁচ দিন ধৰি অসমকে ধৰি সমগ্ৰ উত্তৰ-পূৰ্বাঞ্চলত ধাৰাসাৰ বৰষুণৰ সম্ভাৱনা

উত্তৰ-পূবৰ প্ৰায় সকলো ৰাজ্যতে অহা পাঁচ দিনত ধাৰাসাৰ বৰষুণ হোৱাৰ সম্ভাৱনা আছে। মঙ্গলবাৰে ভাৰতীয় বতৰ বিজ্ঞান বিভাগে (আইএমডি) এই ভৱিষ্যতবাণী কৰিছে।

আইএমডিয়ে কয় যে বংগোপসাগৰৰ পৰা উত্তৰ-পূব ভাৰতলৈ নিম্ন ট্ৰ’প’স্ফিয়াৰ স্তৰত শক্তিশালী দক্ষিণ-পশ্চিমীয়া বতাহৰ প্ৰভাৱৰ বাবে অহা পাঁচ দিনত অৰুণাচল প্ৰদেশ, অসম, মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰাত ধাৰাসাৰ বৰষুণ হোৱাৰ সম্ভাৱনা আছে।

আইএমডিৰ মতে, নাগালেণ্ডৰ মন, লংলেং, টুয়েনচাং, কোহিমা আৰু পেৰেন জিলাত ৭ আৰু ৮ জুনত ব্যাপক বৰষুণ হোৱাৰ সম্ভাৱনা আছে।

একেদৰে ৯ আৰু ১০ জুনত নাগালেণ্ডৰ মকোকচুং, কিফিৰে, ফেক, ডিমাপুৰ, জুনহেবোটো আৰু ৱোখা জিলাত প্ৰবল বৰষুণ হোৱাৰ সম্ভাৱনা আছে।

দক্ষিণ-পশ্চিম মৌচুমী বতাহৰ বাবে উত্তৰ-পূবৰ প্ৰায় আটাইকেইখন ৰাজ্যতে যোৱা ১ জুনৰ পৰাই নিয়মীয়াকৈ বৰষুণ দি আছে।

এই বছৰ নিৰ্ধাৰিত সময়ৰ পূৰ্বেই দক্ষিণ-পশ্চি মৌচুমী বতাহে উত্তৰ-পূবৰ ৰাজ্যসমূহক স্পৰ্শ কৰিছিল।

এনে অৱস্থাত এপ্ৰি মাহৰ মাজভাগৰ পৰাই উত্তৰ-পূবৰ ৰাজ্যকেইখনত হোৱা প্ৰবল বৃষ্টিপাতৰ বাবে কেইবাটাও অঞ্চল আগতীয়া বানৰ কবলত পৰিছিল।