বক্সাৰ লাভলীনা বৰগোহাঁইয়ে বিচাৰিলে বিবাহ বিচ্ছেদ; পাৰিবাৰিক আদালতত আবেদন

অলিম্পিকত ব্ৰঞ্জ মেডেল দখল কৰি অসমৰ লগতে সমগ্ৰ দেশলৈ গৌৰৱ কঢ়িয়াই আনিবলৈ সক্ষম হোৱা লাভলীনা বৰগোহাঁইৰ অন্য এক খবৰহে প্ৰকাশ কৰিব বিচাৰিছো।

বক্সাৰ লাভলীনা বৰগোহাঁইয়ে বিবাহ বিচ্ছেদ কৰিবলৈ মন কৰিছে। ইতিমধ্যে কামৰূপ মহানগৰ পাৰিবাৰিক আদালতত হাজিৰ হৈছে লাভলীনা বৰগোহাঁই।

পাৰিবাৰিক আদালতত আবেদন জনাইছে লাভলীনাই। আদালতত ইতিমধ্যে গোচৰ ৰুজু কৰিছে আন্তঃৰাষ্ট্ৰীয় বক্সাৰগৰাকীয়ে।

২০১৮ চনতে আইনী প্ৰক্ৰিয়াৰে বিবাহপাশত আবদ্ধ হৈছিল লাভলীনা।

যোৰহাটৰ নৱনীত গোস্বামীৰ সৈতে বিবাহপাশত আবদ্ধ হৈছিল। নৱনীতৰ ঘৰ যোৰহাটৰ বালিগাঁৱত বুলি জানিব পৰা গৈছে।
দুয়োৰে মাজত দীৰ্ঘদিন ধৰি আছিল প্ৰেমৰ সম্পৰ্ক।

দুয়োৰে মাজত বুজাবুজিৰ মাজেৰে এই বিবাহ বিচ্ছেদ হোৱা বুলি জানিব পৰা গৈছে।

ভাৰত চৰকাৰে তেওঁক অৰ্জুন বঁটা আৰু মেজৰ ধ্যানচাঁদ খেলৰত্ন সন্মানেৰেও বিভূষিত কৰিছিল।

অসম সৌৰভ বঁটাৰেও সন্মানিত হৈছিল লাভলীনা বৰগোঁহাই।

শেহতীয়াভাৱে তেওঁ বাৰ্মিংহামত অনুষ্ঠিত হ’বলগীয়া কমনৱেলথ্ গেমছৰ বাবে বাচনি হৈছে।