জীৱনৰ আন এক ইনিংছ আৰম্ভ কৰিলে ভগৱন্ত মানে: বিয়াত বহিল পঞ্জাৱৰ মুখ্যমন্ত্ৰী

ৰাজনীতি নহয়, এইবাৰ সাংসাৰিক বান্ধোনত বান্ধ খালে পঞ্জাৱৰ মুখ্যমন্ত্ৰী ভগৱন্ত মান। আজি পঞ্জাৱৰ মুখ্যমন্ত্ৰীগৰাকী ড৹ গুৰপ্ৰীত কৌৰৰ সৈতে বিবাহ পাশত আৱদ্ধ হয়।এয়া ৪৮ বৰ্ষীয় ভগৱন্ত মানৰ দ্বিতীয় বিবাহ।

মানৰ চণ্ডিগড়স্থিত বাসভৱনত বিবাহ অনুষ্ঠান সম্পন্ন হয়। দিল্লীৰ মুখ্যমন্ত্ৰী অৰবিন্দ কেজৰিৱাল আৰু উপ-মুখ্যমন্ত্ৰী মনীষ চিছোদিয়াৰ লগতে আপৰ আন শীৰ্ষ নেতাসকলেও বিবাহ অনুষ্ঠানত উপস্থিত থাকে।

উল্লেখ্য যে ভগৱন্ত মানে নতুন সাংসাৰিক সংগী ড০ গুৰপ্ৰীত কৌৰৰ সৈতে চাৰি বছৰ ধৰি সম্পৰ্ক ৰক্ষা কৰি আহিছিল। আজি মানে এই সম্পৰ্কক আনুষ্ঠানিক ৰূপ দিয়ে।

মান হৈছে মুখ্যমন্ত্ৰী হিচাপে কাৰ্যনিৰ্বাহ কৰাৰ সময়ত বিবাহ পাশত আৱদ্ধ হোৱা পঞ্জাৱৰ প্ৰথম ৰাজনীতিবিদ।

সম্পূৰ্ণ শিখ ৰীতি-নীতি অনুসৰি মান আৰু গুৰপ্ৰীতৰ বিবাহকাৰ্য সম্পন্ন কৰা হয়।

মানৰ নৱ পত্নী গুৰপ্ৰীত পঞ্জাৱৰ কুৰুক্ষেত্ৰ জিলাৰ বাসিন্দা। পেছাত এগৰাকী চিকিৎসক গুৰপ্ৰীতে মানক বিধানসভা নিৰ্বাচনৰ প্ৰচাৰৰ সময়তো সহায় আগবঢ়াইছিল।