Trailer of the Assamese Movie: মুকলি হ’ল ‘বুলু ফিল্ম’ৰ ট্ৰেইলৰ; ৰাজ্যৰ চলচ্চিত্ৰগৃহ সমূহত মুক্তি পাব ৯ ছেপ্টেম্বৰত (চাওক ভিডিঅ’)
The trailer of the Assamese Movie ‘Bulu Film’ এখন গাঁও। নামনি অসমৰ এখন সাধাৰণ গাঁৱকো বাৰুকৈয়ে সমস্যাত পেলাইছিল লক ডাউনে। লক ডাউনৰ সময়খিনিত মূলত নিম্ন মধ্যবিত্ত লোকৰ বসতিপ্ৰধান সেই গাঁওখনৰ লোকসকলে ভীষণ অভাৱৰ সমুখিন হৈছিল। সেইখন গাঁৱৰে তিনিজন যুৱকেও হেৰুৱাইছিল সংস্থাপন।
সময় যোৱাৰ লগে লগে তিনিওৰে ঘৰত অভাৱে ভয়ংকৰ ৰূপ ধাৰণ কৰাত তেওঁলোকে উপাৰ্জনৰ বিকল্প বিচাৰি বিচাৰি অৱশেষত গাঁৱতে ‘ব্লু-ফিল্ম’ নিৰ্মাণৰ পৰিকল্পনা কৰে।
সেই ‘ব্লু-ফিল্ম’ ইন্টাৰনেটত আপলোড কৰি অসংখ্য ধন ঘটাৰ সপোনা দেখা তিনিওজন যুৱকে অৱশেষত মুখামুখি হয় এক অভাৱনীয় বাস্তৱৰ। মূলতঃ এই কাহিনীৰে নিৰ্মাণ কৰা হৈছে ‘বুলু ফিল্ম’ নামৰ চিনেমাখন।
হিমাংশু প্ৰসাদ দাসৰ পৰিচালনাত নিৰ্মিত চতুৰ্থ চিনেমা ‘বুলু ফিল্ম’। ‘ছাকিৰা আহিব বকুলতলৰ বিহুলৈ’,’গৰু’,’হিৰো’ নামৰ তিনিখন চিনেমা নিৰ্মাণ কৰাৰ পাছত এইবাৰ কিছু অন্য ধৰণৰ অথচ মানুহৰ জীৱনৰ ৰুঢ় বাস্তৱৰ সত্যতাক উজাগৰ কৰা এক কাহিনীৰে হিমাংশু প্ৰসাদ দাসে নিৰ্মাণ কৰিছে ‘বুলু ফিল্ম’।
এইখন চিনেমাই শেহতীয়াকৈ ‘প্ৰাগ চিনে এৱাৰ্ডত’ কেইবাটিও শিতানত বঁটা লাভ কৰিছে। শ্ৰেষ্ঠ সহ অভিনেত্ৰীৰ বঁটা লাভ কৰিছিল চিনেমাখনৰ কেন্দ্ৰীয় চৰিত্ৰ ৰূপায়ন কৰা প্ৰনামী বৰাই, শ্ৰেষ্ঠ সহ অভিনেতাৰ বঁটা লাভ কৰিছিল অপুৰ্ব বৰ্মনে, শ্ৰেষ্ঠ চিত্ৰনাট্যৰ বঁটা লাভ কৰিছিল হিমাংশু প্ৰসাদ দাস, মহৰ্ষি তুহিন কাশ্যপ আৰু চাংকু নিৰঞ্জন নাথে, শ্ৰেষ্ঠ আৱহ সংগীত বঁটা লাভ কৰিছিল পল্লৱ তালুকদাৰে আৰু শ্ৰেষ্ঠ গীতিকাৰৰ বঁটা লাভ কৰিছিল সাগৰ সৌৰভে।
লগতে পঢ়ক: ফেচবুক একাউন্টৰ ওপৰত অসম আৰক্ষীৰ শেনচকু; ফেচবুক পোষ্টৰ বাবেই কাৰাগাৰলৈ ৭০ বছৰীয়া বৃদ্ধ
হিমাংশু প্ৰসাদ দাসৰ কাহিনীৰে নিৰ্মিত চিনেমাখনত পৰিচালক হিমাংশু প্ৰসাদ দাসে এটা মুখ্য চৰিত্ৰ ৰূপায়ন কৰাৰ লগতে অভিনয় কৰিছে প্ৰনামী বৰা, অপুৰ্ব বৰ্মন, চাংকু নিৰঞ্জন নাথ,অনামিকা শৰনীয়া, গৌৰৱজ্যোতি দাস,শিখা ঠাকুৰীয়া আদিয়ে।
হাস্য-ব্যংগ শৈলীৰে আৰম্ভ হোৱা চিনেমাখনে পৰিসমাপ্তিত এক অভাৱনীয় পৰিনাতিত শেষ হয়। ইতিমধ্যেই সমালোচকৰ আদৰ লাভ কৰা চিনেমাখন অহা ৯ ছেপ্টেম্বৰ সমগ্ৰ অসমৰ চিনেমাহলত মুক্তি লাভ কৰিব।
You may also like
ট্ৰাকৰ ভিতৰত উদ্ধাৰ মুম্বাইৰ পৰা উত্তৰপ্ৰদেশলৈ আহি থকা প্ৰব্ৰজিত শ্ৰমিকৰ দল
মুম্বাইৰ পৰা উত্তৰপ্ৰদেশলৈ তিনিখন ট্ৰাকত আহি থকা অৱস্থাত প্ৰব্ৰজিত শ্ৰমিকৰ এটা দলক মুম্বাই আৰক্ষীয়ে বৃহস্পতি বাৰে উদ্ধাৰ কৰে। কলা প্লাষ্টিকেৰে ঢাকি অনা…
নৱবৰ্ষৰ সুখবৰ: মাজুলী, কামাখ্যা, কাজিৰঙালৈ মুকলি বিশাল হাউচ ব’ট ‘হংস বাহন’
অসমৰ পৰ্যটন ক্ষেত্ৰত দেওবাৰে এক নতুন সংযোজন ঘটিল। বিশ্বনাথত দেশী-বিদেশী পৰ্যটকৰ বাবে মুকলি হ’ল বিশাল হাউচ ব’ট হংস বাহন৷ ব্ৰহ্মপুত্ৰ নদীক লৈ…
মোদী হে তু মুমকিন হে! দেশৰ ধনীতম ব্যক্তিৰ তালিকাত অভাৱনীয় উত্থান গৌতম আদানিৰ; অক্ষুন্ন মুকেশ আম্বানিৰ স্থান
Gautam Adani’s growth: দেশৰ ধনীতম ব্যক্তিৰ শীৰ্ষস্থান অক্ষুন্ন আছে ৰিলায়েন্স ইণ্ডাষ্ট্ৰীজ লিমিটেডৰ চেয়াৰমেন মুকেশ আম্বানিৰ। ‘আইআইএফএল ৱেলথ হু ৰাণ ইণ্ডিয়া’ত প্ৰকাশ পোৱা…
লোকসভাত অমিত শ্বাহৰ নতুন বিধেয়ক : নোহোৱা হ’ব ভাৰতীয় দণ্ডবিধি আইন
নিম্ন সদন আৰু উচ্চ সদনৰ গ্ৰীষ্মকালীন সংসদৰ অধিৱেশনত কে’বাখনো গুৰুতত্বপূৰ্ণ বিধেয়ক উপস্থাপন কৰিছে মোদী চৰকাৰে। সদনত নিজৰ সংখ্যাগৰিষ্ঠতাৰ সুযোগ লৈ নিজৰ ক্ষমতা…