ম্যানমাৰত সম্পন্ন উত্তৰ-পূৰ্বাঞ্চলৰ উগ্ৰপন্থী গোটসমূহৰ যুটীয়া সামৰিক প্ৰশিক্ষণ

ম্যানমাৰত ইউ এন এল এফ ডব্লিউ ই এছ এ নামৰ এক সমূহীয়া মঞ্চত উত্তৰ-পূৰ্বাঞ্চলৰ ভলেকেইটা উগ্ৰপন্থী সংগঠন যেনে  পি এল এ , কৰকম আৰু আলফাৰ (স্বাঃ) এটা যুটীয়া সামৰিক কৌশলৰ প্ৰশিক্ষণ শিবিৰ অনুষ্ঠিত হৈ যায়।

কৰকম আৰু আলফাই (স্বাঃ) অসমত যুটীয়াভাৱে কাম কৰি আছে। অসমত ভাৰতীয় সেনাৰ সৈতে যুদ্ধত অৱতীৰ্ণ হৈ পি এল এৰ কেইগৰাকীমান সদস্য নিহত হৈছে।

উল্লেখনীয় যে উত্তৰ পূৰ্বাঞ্চলৰ উগ্ৰপন্থী গোটসমূহে তেওঁলোকৰ অস্ত্ৰ-শস্ত্ৰৰ প্ৰশিক্ষণ বিভিন্ন স্থানত সম্পন্ন কৰি আহিছে। ইয়াৰ পূৰ্বে পিপ্‌ল’ছ ডেমক্ৰেটিক কাউঞ্চিল অব কাৰ্বি, পি ডি চি কে আৰু পিপ্‌ল অব কাৰ্বি লংৰিয়ে ২৮ মাৰ্চত প্ৰথম প্ৰতিষ্ঠা দিৱস পালন কৰিছিল। এই দিনটোতেই এবছৰ পূৰ্বে সামৰিক প্ৰশিক্ষণৰ যোগেদি ৰাষ্ট্ৰীয় স্বাধীনতা আন্দোলন চলাই নিয়াৰ বাবে পি ডি চি কেই ‘ৰেড আৰ্মি’ নামৰ নিজস্ব সেনা বাহিনী গঠন কৰিছিল।

তেওংলোকৰ দ্বাৰা প্ৰকাশ কৰা বিবৃতিত কোৱা হৈছে যে ৬টা ভিন্ন ভিন্ন উগ্ৰপন্থী সংগঠনৰ পৰা ৬গৰাকী প্ৰশিক্ষকে  প্ৰথম চামৰ প্ৰশিক্ষণ সম্পূৰ্ণ কৰিছে। এন এল এফ টিৰ ছেকেণ্ড লেফটেনাণ্ট ছিথুং, কে ৱাই কে এলৰ ছাৰ্জেণ্ট মেজৰ ছিন্থা আৰু প্ৰাইভেট টিকেন্দ্ৰজিৎ,  এন এছ চি এনৰ ছাৰ্জেণ্ট মেজৰ মোমো, কে এল অ’ৰ ছাৰ্জেণ্ট মেজৰ পাভেল কোচ আৰু পি ডি চি কেৰ ছাৰ্জেণ্ট অন টেৰন আদি সুযোগ্য প্ৰশিক্ষকৰ তলত পি ডি চি কেৰ সশস্ত্ৰ গোটটোৱে ২০১৭ চনৰ ১ ফেব্ৰুৱাৰিৰ পৰা আৰম্ভ হোৱা কঠোৰ সামৰিক অনুশীলন সম্পন্ন কৰিছিল।