জৱাহৰলাল নেহৰু বিশ্ববিদ্যালয়ত চিকিউৰিটি কৰ্মীৰ সৈতে সংঘৰ্ষত লিপ্ত এবিভিপি: ছয়গৰাকী আহত
শৈক্ষিক জলপানিৰ দাবীক কেন্দ্ৰ কৰি আজি দেশৰ আগশাৰীৰ উচ্চ শিক্ষা প্ৰতিষ্ঠান জৱাহৰলাল নেহৰু বিশ্ববিদ্যালয় (জেএনইউ)ত সৃষ্টি হয় এক উত্তপ্ত পৰিস্থিতিৰ।
বিশ্ববিদ্যালয়খনৰ এবিভিপি কৰ্মী আৰু চিকিউৰিটি কৰ্মীৰ মাজত হোৱা সংঘৰ্ষত আহত হৈছে প্ৰায় ছয়জন শিক্ষাৰ্থী আৰু চিকিউৰিটি কৰ্মী।
প্ৰকাশিত খবৰ অনুসৰি, এবিভিপিৰ একাংশ শিক্ষাৰ্থীয়ে প্ৰতিবাদ কৰিবলৈ বিশ্ববিদ্যালয়খনৰ প্ৰশাসক এলেকাৰ বাহিৰত সমবেত হৈছিল। কিন্তু তেওঁলোকক প্ৰতিবাদ সাব্যস্ত কৰাৰ অনুমতি দিয়া হোৱা নাছিল।
এনে পৰিস্থিতিত চিকিউৰিটি কৰ্মীসকলে প্ৰতিবাদী এবিভিপি সদস্য সকলক প্ৰশাসক এলেকা এৰি যাবলৈ নিৰ্দেশ দিয়ে যদিও শিক্ষাৰ্থীসকলে এই নিৰ্দেশ মানিবলৈ অস্বীকাৰ কৰে।
ইয়াৰ ফলতে চিকিউৰিটি কৰ্মী আৰু এবিভিপি সদস্যসকলৰ মাজত তীব্ৰ বাদানুবাদ হয় আৰু ই ক্ৰমাৎ সংঘৰ্ষৰ ৰূপ লয়।
এবিভিপিয়ে অভিযোগ কৰিছে যে বিশ্ববিদ্যালয়ৰ কৰ্মচাৰী আৰু চিকিউৰিটি কৰ্মীসকলে জলপানি বিচাৰি যোৱা শিক্ষাৰ্থীসকলক আক্ৰমণ কৰিছিল।
আহত ছাত্ৰসকলৰ ভিতৰত জেএনইউৰ এবিভিপিৰ সভাপতি ৰোহিত কুমাৰো আছে বুলি জানিব পৰা গৈছে।
এবিভিপিৰ মতে বিগত দুবছৰ ধৰি তেওঁলোকৰ শৈক্ষিক জলপানি স্থগিত হৈ আছে আৰু তেওঁলোকে পুঁজি মুকলি কৰাৰ দাবীত জেএনইউ প্ৰশাসনৰ ওচৰত দাবী জনাইছিল।
কিন্তু এনে সময়তে তাত থকা কৰ্মচাৰী আৰু চিকিউৰিটি কৰ্মীসকলে তেওঁলোকক প্ৰহাৰ কৰে বুলি এবিভিপিৰ সদস্যসকলে অভিযোগ কৰিছে।
ইফালে এনে উত্তপ্ত পৰিস্থিতিৰ পাছতে আৰক্ষীৰ এটা দল বিশ্ববিদ্যালয় প্ৰাঙ্গণত উপস্থিত হয় আৰু পৰিস্থিতি নিয়ন্ত্ৰণ কৰে।
আৰক্ষীৰ জানিবলৈ দিয়া মতে সংঘৰ্ষত চিকিউৰিটি কৰ্মী তথা শিক্ষাৰ্থী, দুয়ো পক্ষৰে কেইবাগৰাকীমান ব্যক্তি আঘাতপ্ৰাপ্ত হৈছে।
You may also like
আৰক্ষীৰ জিম্মাত মৃত্যুৰ ঘটনাত কাৰাগাৰলৈ প্ৰেৰণ ভাৰপ্ৰাপ্ত আৰক্ষী বিষয়া কপিল বৰাক
আৰক্ষীৰ জিম্মাত থকা অৱস্থাত এগৰাকী লোকৰ মৃত্যুক কেন্দ্ৰ কৰি জনসাধাৰণৰ ক্ষোভ বৃদ্ধি পোৱাৰ মাজতে তামাৰহাট থানাৰ ভাৰপ্ৰাপ্ত বিষয়া কপিল বৰাক বুধবাৰে (৮…
কেতনৰ সৈতে আঙুঠি পিন্ধোৱা পৰ্বৰ কেইদিনমান আগতেই চেতনৰ সৈতে ৰাজস্থানত পাঁচ দিন কটাই আহিছিল চিয়াই! কিয় কৰিলে হত্যা, পোহৰলৈ আহিল নতুন তথ্য
প্ৰতিশোধ? পাৰিবাৰিক শত্ৰুতা? নে ধন-সম্পত্তি? পুনেৰ ব্যৱসায়ীৰ পুত্ৰ কেতন আগৰৱালাৰ হত্যাৰ প্ৰকৃত কাৰণ কি, তাক লৈ যেতিয়া এটাৰ পিছত এটাকৈ নতুন কথা…
নাগৰিকত্ব বিধেয়কৰ বিৰোধিতা কৰা একমাত্ৰ বিজেপি নেতা-বিধায়কজনক সাক্ষাৎ কৰিলে আছুৱে
নাগৰিকত্ব সংশোধনী বিধেয়কখন বাতিলৰ দাবীত সদৌ অসম ছাত্ৰ সন্থা আৰু ২৬টা জনগোষ্ঠীয় সংগঠনে ৰাজ্যৰ মন্ত্ৰী-বিধায়কসকলক ব্যক্তিগতভাৱে লগ কৰি বিধেয়কখন বাতিলৰ দাবীত তেওঁলোকৰ…
দেশৰ প্ৰভাৱশালী পৰিয়াল! থাইলেণ্ডৰ ৰাজনৈতিক মঞ্চত ভগ্নীৰ পিছত এইবাৰ থাকচিনৰ কন্যা
কোটিপতি পৰিয়ালৰ উত্তৰাধিকাৰী তেওঁ । থাইলেণ্ডৰ ৰাজনীতিত তেওঁলোকৰ পৰিয়ালৰ প্ৰতি আছে বৃহৎ জনসমৰ্থন। অতীতত তেওঁলোকৰ দলে নিৰ্বাচনত বৃহৎ ব্যৱধানত ক্ষমতালৈ আহিছে। তেওঁ…