Scorpio Venom: বিষৰ মূল্য কোটি কোটি টকা; ২০ হাজাৰ বৃশ্চিকৰ খেতি কৰি ধনী হ’ল কৃষক

Farmer breeds scorpions and earns millions তুৰস্কৰ এজন খেতিয়কে হাজাৰ হাজাৰ বৃশ্চিকৰ খেতি কৰে! তেওঁ বিভিন্ন প্ৰসাধন আৰু ফাৰ্মাচিউটিকেল কোম্পানীক ইয়াৰ বিষ বিক্ৰী কৰি কোটি কোটি টকা উপাৰ্জন কৰিছে। এইটো আচৰিত যেন লাগিলেও এজন তুৰ্কী কৃষক অৰেনলাৰে তাকেই কৰিছে।

স্থানীয় বাতৰি কাকতৰ মতে কৃষকজনে তেওঁৰ কৃষিপামত প্ৰায় ২০ হাজাৰ  এণ্ড্ৰোক্টোনাছ টাৰ্কিয়েনচিছ প্ৰজাতিৰ বৃশ্চিক ৰাখিছে। সেইবোৰ স্বচ্ছ বাকচ এটাৰ ভিতৰত ৰাখে। অৰেনলাৰে দাবী কৰে যে প্ৰতিটো বৃশ্চিকত দিনে প্ৰায় ২ মিলিগ্ৰাম বিষ পোৱা যায়। ভাৰতীয় মুদ্ৰাত তুৰ্কীৰ বজাৰত এক লিটাৰ এই বিষৰ মূল্য প্ৰায় ৮০ কোটি টকা।

লগতে পঢ়ক: Dalai Lama: চীনৰ সৈতে উত্তেজনা চলি থকাৰ মাজতে টাইৱান ভ্ৰমণ কৰিব দালাই লামাই!

অৰেনলাৰে কয় যে তেওঁ পোনপটীয়াকৈ বিষ বিক্ৰী নকৰে। ইয়াক সংগ্ৰহৰ পিছত প্ৰক্ৰিয়াকৰণৰ কাম চলি থাকে। বিষটো প্ৰথমে শীতলীকৰণ কৰা হয়। তাৰ পিছত, শীতলীকৃত বিষ গুৰি কৰি ইউৰোপৰ বিভিন্ন প্ৰান্তলৈ ৰপ্তানি কৰা হয়।

বিতৰ্ক স্বত্বেও বিশেষজ্ঞৰ এটা অংশই দাবী কৰে যে বৃশ্চিকৰ এই প্ৰজাতিৰ বিষত বিভিন্ন প্ৰকাৰৰ প্ৰ’টিন আৰু পেপটাইড পোৱা যায় যাক বিভিন্ন প্ৰসাধন কোম্পানী আৰু ফাৰ্মাচিউটিকেল কোম্পানীয়ে ব্যৱহাৰ কৰে।