ৰাজ্যসভাৰ বিৰোধী দলপতি পদৰ পৰা পদত্যাগ মল্লিকাৰ্জুন খাৰ্গেৰ

কংগ্ৰেছৰ সভাপতি নিৰ্বাচনৰ প্ৰাৰ্থী মল্লিকাৰ্জুন খাৰ্গেই আজি ৰাজ্যসভাৰ বিৰোধী দলৰ নেতাৰ পদৰ পৰা পদত্যাগ কৰা বুলি ছোনিয়া গান্ধীৰ ওচৰত পদত্যাগ পত্ৰ দাখিল কৰিছে।

এজন নেতা এটা পদ নীতিৰ আধাৰতে তেওঁ পদত্যাগ কৰে। খাৰ্গেই দলটোৰ সভাপতি নিৰ্বাচনৰ বাবে প্ৰায় ৩০ জন কংগ্ৰেছ নেতাৰ পৰা সমৰ্থন লাভ কৰিছে৷ তেওঁক সমৰ্থন কৰাসকলৰ ভিতৰত আছে দীপেন্দ্ৰ হুডা, চলমান খুৰ্ছিদ, অশোক গেহলট, দিগ্বিজয় সিং, মনীষ তিৱাৰী, পৃথ্বীৰাজ চৱন আৰু অন্যান্য কেইবাজনো নেতা।

কংগ্ৰেছৰ কেন্দ্ৰীয় নিৰ্বাচন কৰ্তৃপক্ষৰ অধ্যক্ষ মধুসূদন মিস্ত্ৰীয়ে কয় যে কাইলৈ মনোনয়ন প্ৰপত্ৰবোৰ পৰীক্ষা কৰা হ’ব আৰু কাইলৈ সন্ধিয়া বৈধ প্ৰপত্ৰ আৰু প্ৰাৰ্থীৰ নাম ঘোষণা কৰা হ’ব। ইফালে, মধ্যপ্ৰদেশৰ প্ৰাক্তন মুখ্যমন্ত্ৰী দিগ্বিজয় সিঙে কংগ্ৰেছৰ সভাপতি পদৰ দৌৰৰ পৰা আঁতৰি গৈছে। তেওঁ খাৰ্গেলৈ সমৰ্থন আগবঢ়াই কয় যে খাৰ্গেৰ দৰে এজন জ্যেষ্ঠ নেতাৰ বিৰুদ্ধে তেওঁ “নিৰ্বাচনত প্ৰতিদ্বন্দিতা কৰাৰ কথা ভাবিব নোৱাৰে”।

ৰাজস্থানৰ মুখ্যমন্ত্ৰী অশোক গেহলটেও সভাপতিৰ নিৰ্বাচনৰ পৰা বাহিৰ হৈ গৈছে। গেহলটে কালি কৈছিল যে তেওঁ খাৰ্গেৰ নাম প্ৰস্তাৱক হ’ব । কংগ্ৰেছ সভাপতি পদৰ বাবে মনোনয়ন দাখিলৰ পৰ্ব শুকুৰবাৰে আবেলি ৩ বজাত বন্ধ হৈছিল। ১৯ অক্টোবৰত সভাপতি নিৰ্বাচনৰ ফলাফল ঘোষণা কৰা হ’ব।