যিকোনো যুদ্ধৰ বাবে সাজু চীনৰ সশস্ত্ৰ বাহিনী; সতৰ্ক কৰি দিছে প্ৰতিৰক্ষা মন্ত্ৰী ৱেই ফেংহে

China’s Defense Minister vows to be on high alert চীনৰ সশস্ত্ৰ বাহিনী বৰ্তমান অতি সতৰ্কতাত আছে আৰু যিকোনো যুদ্ধৰ বাবে সাজু, আছে বুলি সতৰ্ক কৰি দিছে দেশখনৰ প্ৰতিৰক্ষা মন্ত্ৰী জেনেৰেল ৱেই ফেংহে। চীনা কমিউনিষ্ট পাৰ্টিৰ ২০ সংখ্যক ৰাষ্ট্ৰীয় কংগ্ৰেছৰ সময়ত সাংবাদিকৰ সৈতে বাৰ্তালাপত প্ৰতিৰক্ষা মন্ত্ৰীজনে এইকথা সদৰী কৰে।

টাইৱানক লৈ আমেৰিকা যুক্তৰাষ্ট্ৰৰ সৈতে তীব্ৰ উত্তেজনাৰ মাজত ফেংহে এই সতৰ্কবাণী জাৰি কৰিছে। “চীনে বৰ্তমান এক কঠিন নিৰাপত্তা পৰিস্থিতিৰ মাজেৰে গৈ আছে। ৰাষ্ট্ৰপতি জি জিনপিঙে নিৰ্দেশনা দিয়াৰ লগে লগে সশস্ত্ৰ বাহিনীয়ে ধুমুহাৰ গতিত ইয়াক সম্পাদন কৰিব। চীনৰ সামৰিক বাহিনী সকলো সময়তে উচ্চ সতৰ্কতাত আছে আৰু নিশ্চিতভাৱে দেশখনৰ স্বাধীনতা আৰু সাৰ্বভৌমত্ব সুৰক্ষিত কৰিব।

লগতে পঢ়ক: ভাৰতৰ আৰু উন্নত পাৰমাণৱিক ক্ষেপণাস্ত্ৰৰ সফল উৎক্ষেপণ; অধিক শক্তিশালী হৈ পৰিল সেনাবাহিনী

যদিও চীনে টাইৱানক নিজৰ এক অবিচ্ছেদ্য অংশ বুলি গণ্য কৰে, আমেৰিকা যুক্তৰাষ্ট্ৰই টাইৱানক এখন স্বাধীন দেশ হিচাপে স্বীকৃতি দিব বিচাৰে। আমেৰিকা যুক্তৰাষ্ট্ৰৰ চৰকাৰে চীনক সতৰ্ক কৰি দিছে যে যদি তেওঁলোকে টাইৱানত বল প্ৰয়োগ কৰিব বিচাৰে তেন্তে তেওঁলোকে আমেৰিকা যুক্তৰাষ্ট্ৰৰ সামৰিক শক্তিৰ সন্মুখীন হ’ব লাগিব।

এনে পৰিস্থিতিত চীনৰ প্ৰতিৰক্ষা মন্ত্ৰীৰ বক্তব্যক চীনৰ সৈতে টাইৱানক একত্ৰিত কৰাৰ বেইজিঙৰ সংকল্পৰ বৰ্হিপ্ৰকাশ হিচাপে দেখা গৈছে।