অভয়াপুৰিত গভাইত অস্ত্ৰ নিৰ্মাণ আৰু সৰবৰাহকাৰী আটক

বঙাইগাঁও জিলাৰ অভয়াপুৰিত কোকৰাঝাৰ আৰক্ষীয়ে কালি নিশা এক অভিযান চলাই চুমিল চাংমা নামৰ এজন গভাইত অস্ত্ৰ নিৰ্মাণ আৰু সৰবৰাহকাৰীক আটক কৰে।

প্ৰাপ্ত তথ্য মতে এক বিশেষ সূত্ৰৰ পৰা লাভ কৰা খবৰৰ ভিত্তিত উপ-আৰক্ষী অধিক্ষক পুনমজিত নাথ আৰু আৰক্ষী উপ-পৰিদৰ্শক লাতুক দাসৰ নেতৃত্বত যোৱা কোকৰাঝাৰ আৰক্ষীৰ এক দলে অভয়াপুৰি আৰক্ষী থানাৰ অন্তৰ্গত শালমাৰাত অভিযান চলাই উক্ত লোকজনক আটক কৰে।

ধৃত চুমিল চাংমাক শালমাৰাৰ চাউপাৰা গাঁৱৰ বাসিন্দা প্ৰয়াত চাতচিং মাৰাকৰ পুত্ৰ বুলি আৰক্ষীয়ে জানিবলৈ দিয়ে।

আৰক্ষীয়ে লোকজনৰ নিজা ঘৰত অভিযান চলাই ২ টা হস্ত নিৰ্মিত বন্দুকৰ লগতে কেইবাবিধো অস্ত্ৰ নিৰ্মাণ কৰা সঁজুলি উদ্ধাৰ কৰে।

আনহাতে অস্ত্ৰ নিৰ্মাণৰ উপৰি ধৃত চাংমা নাৰী সৰবৰাহৰ সৈতেও জড়িত বুলি জানিব পৰা গৈছে। প্ৰাপ্ত তথ্য মতে তেওঁ ৰাজ্যৰ বিভিন্ন স্থানৰ পৰা ৰাজ্যৰ বাহিৰলৈ কিশোৰী সৰবৰাহ কৰিছে।

লোকজনক গ্ৰেপ্তাৰ কৰি আৰক্ষীয়ে পৰৱৰ্তী তদন্ত পক্ৰিয়া আৰম্ভ কৰিছে।