মিজোৰামৰ শিল কুৱেৰীৰ স্খলনস্থলীৰ পৰা পুনৰ তিনিটা মৃতদেহ উদ্ধাৰ: মৃতকৰ সংখ্যা ১১ লৈ বৃদ্ধি
মিজোৰামৰ হনাথিয়েল জিলাৰ এটা শিল কুৱেৰীত সোমবাৰে সংঘটিত হোৱা ভয়াৱহ স্খলনৰ দুদিন পিছত আজি উদ্ধাৰকাৰী দলে পুনৰ তিনিটা মৃতদেহ উদ্ধাৰ কৰিছে। এই তিনিটা মৃতদেহৰ সৈতে স্খলনস্থলীৰ পৰা উদ্ধাৰ হোৱা মৃতদেহৰ সংখ্যা ১১ লৈ বৃদ্ধি পাইছে।
উল্লেখ্য যে এই ভয়াৱহ স্খলনত শিল কুৱেৰীত থকা ১২ গৰাকী কৰ্মী সন্ধানহীন হৈছিল। মঙলবাৰে স্খলনস্থলীৰ পৰা ৮ টা মৃতদেহ উদ্ধাৰ কৰা হৈছিল। বৰ্তমানলৈ সন্ধানহীন ১১ গৰাকীৰ মৃতদেহ উদ্ধাৰৰ পিছত আন এগৰাকী কৰ্মী এতিয়াও সন্ধানহীন হৈ আছে।
স্থানীয় প্ৰশাসনৰ এগৰাকী বিষয়াই উল্লেখ কৰা মতে ১২ গৰাকী ব্যক্তিৰ ভিতৰত ৪ গৰাকী শিল কুৱেৰীটোৰ স্বত্বধিকাৰী এবিচিআই ইনফ্ৰাষ্ট্ৰাকচাৰ প্ৰাইভেট লিমিটেডৰ কৰ্মচাৰী আছিল আৰু আন ৮ গৰাকী ঠিকাদাৰৰ অধীনস্থ শ্ৰমিক আছিল।
ৰাষ্ট্ৰীয় দুৰ্যোগ সঁহাৰি বাহিনীৰ (NDRF) দল, জিলা প্ৰশাসন, অসম ৰাইফলছ আৰু সীমান্ত সুৰক্ষা বাহিনী (BSF) আৰু স্থানীয় স্বেচ্ছাসেৱকসকলে উদ্ধাৰ অভিযান চলাই আছে বুলি বিষয়াগৰাকীয়ে লগতে জানিবলৈ দিয়ে।
ইয়াৰ পূৰ্বে হনাথিয়েলৰ আৰক্ষী অধীক্ষক বিনীত কুমাৰে সোমবাৰে আবেলি প্ৰায় ৩ বজাত মৌদাৰগাঁৱত এই ভয়াৱহ স্খলন সংঘটিত হৈছিল বুলি সদৰী কৰিছিল।
স্খলনৰ সময়ত ১৩ গৰাকী লোকে কাম কৰি আছিল যদিও এগৰাকী শ্ৰমিক ঘটনাস্থলীৰ পৰা পলাই যাবলৈ সক্ষম হৈছিল। কুৱেৰীটোৰ স্বত্বাধিকাৰী কোম্পানীটোৱে নিহত লোকসকলৰ মৃতদেহ নিজ নিজ গাঁৱলৈ পৰিবহনৰ ব্যৱস্থা কৰিব বুলি প্ৰশাসনে জানিবলৈ দিছে।
You may also like
মন কী বাতত প্ৰধান মন্ত্ৰী মোদীয়ে ক’লে,-‘ভাৰতক ৰঙা চকু দেখুৱাসকলে পাব যোগ্য প্ৰত্যুত্তৰ’’
প্ৰধান মন্ত্ৰী নৰেন্দ্ৰ মোদীয়ে আজি তেওঁৰ ‘মন কী বাত’ কাৰ্যসূচীৰ জৰিয়তে দেশবাসীক সম্বোধন কৰে। তেওঁ কয় যে ভাৰতৰ ইতিহাস দুৰ্যোগ আৰু প্ৰত্যাহ্বানৰ…
বিদ্যালয়ত মাৰাঠী বাধ্যতামূলক কৰাৰ বাবে বিধানসভাত চৰকাৰৰ বিধেয়ক; অসমত কেতিয়া?
মহাৰাষ্ট্ৰ চৰকাৰে বৃহস্পতিবাৰে ৰাজ্যখনৰ বিদ্যালয়সমূহত মাৰাঠী ভাষা বাধ্যতামূলক কৰাৰ বাবে এখন বিধেয়ক উত্থাপন কৰিব। বিধানসভাত বুধবাৰে এই কথা ঘোষণা কৰা হৈছে। শিক্ষা…
জখলাবন্ধা আৰক্ষীৰ অভিযানত নিহত এজন চোৰাং চিকাৰী
জখলাবন্ধা আৰক্ষীৰ অভিযানত যোৱা নিশা এজন চোৰাং চিকাৰী নিহত হয়। জখলাবন্ধা আৰক্ষী আৰু চোৰাং চিকাৰীৰ মাজত হোৱা প্ৰচণ্ড গুলিয়াগুলীত নিহত হয় চোৰাং…
ভাৰততকৈ আগত বাংলাদেশ: ঢাকাত কোভিড বুষ্টাৰ ডজ প্ৰদানৰ পৰীক্ষামূলক আৰম্ভনি
কোভিডৰ দক্ষিণ আফ্ৰিকাৰ প্ৰজাতি অমিক্ৰনে বিশ্বৰ ৯৭ খন দেশত ত্ৰাসৰ সৃষ্টি কৰিছে। ইয়াৰ পৰা মুক্ত হ’ব পৰা নাই ভাৰতৰ চুবুৰীয়া দেশ বাংলাদেশো।…