এক কিলো চাহপাতৰ মূল্য ১.১৫ লাখ টকা! অসমতে উঠিছে চাহপাতৰ এই দৰ!
চাহখেতিৰ বাবে অনন্য সুনাম থকা অসমৰ চাহে বিশ্বজুৰি যথেষ্ট আদৰ লাভ কৰি আহিছে। চাহে ৰাজ্যৰ অৰ্থনীতিৰ ক্ষেত্ৰতো এক গুৰুত্বপূৰ্ণ ভূমিকা পালন কৰি আহিছে। পিছে চাহ ‘সুলভ’ অসমত এক কিলোগ্ৰাম চাহৰ দৰ লাখ টকা হ’ব পাৰে বুলি আপোনাৰ বিশ্বাস হ’বনে!
অবিশ্বাস্য যেন লাগিলেও এয়াই সত্য। অসমৰে এবিধ বিশেষ চাহ প্ৰতি কিলোগ্ৰামত ১.১৫ লাখ টকা মূল্যত বিক্ৰী হৈছে। এই চাহবিধ হৈছে ডিব্ৰুগড় জিলাত উৎপাদিত ‘মনোহৰী চাহ’।
এই বিশেষ চাহ উৎপাদন হোৱা চাহ বাগিচাখনৰ স্বত্বাধিকাৰী ৰাজন লোহিয়াই জানিবলৈ দিয়া মতে শুকুৰবাৰে ব্যক্তিগত পৰ্টেল ‘টি ইনটেক’ত নিলামত ‘মনোহৰী গোল্ড টি’ এই বিপুল পৰিমাণৰ মূল্যত বিক্ৰী হয়।
তেওঁ লগতে কয় যে গুৱাহাটী চাহ নিলাম কেন্দ্ৰ (GTAC)ত চাহ ব’ৰ্ড ইণ্ডিয়াই প্ৰতি কিলোগ্ৰামত চাহৰ সৰ্বোচ্চ বিক্ৰী মূল্যৰ সীমা নিৰ্ধাৰণ কৰি দিয়াৰ বাবে এইবাৰ চাহবিধ ব্যক্তিগত নিলামত বিক্ৰী কৰিবলগীয়া হৈছিল।
“কোনাধৰণৰ নিলামত চাহৰ ক্ষেত্ৰত লাভ কৰা এয়াই হৈছে সৰ্বাধিক মূল্য।”— স্বত্বাধিকাৰী ৰাজন লোহিয়াই লগতে কয়।
লোহিয়াই জানিবলৈ দিয়া মতে ‘আৰ কে টি চেলছ্’- এ এই বৃহৎ পৰিমাণৰ দৰত এই বিশেষ চাহবিধ ক্ৰয় কৰিছে। উল্লেখ্য যে ইতিপূৰ্বেও মনোহৰী গ’ল্ড টি- এ সৰ্বাধিক বিক্ৰী মূল্যৰ বাবে অভিলেখ গঢ়ি ঠৈছে।
২০২১ চনৰ ডিচেম্বৰ মাহত গুৱাহাটী চাহ নিলাম কেন্দ্ৰত প্ৰতি কিলোগ্ৰাম মনোহৰী গ’ল্ড টি ৯৯,৯৯৯ টকা দৰত বিক্ৰী হৈছিল।
You may also like
নেলীত সংঘটিত ভয়ংকৰ পথ দুৰ্ঘটনাত থিতাতে নিহত একেটা পৰিয়ালৰে ৪জন লোক
জাগীৰোডৰ নেলীত সংঘটিত এক ভয়ংকৰ পথ দুৰ্ঘটনাত দেওবাৰে একেটা পৰিয়ালৰে ৪জন লোক থিতাতে নিহত হয়। নেলীৰ ৩৭ নং ৰাষ্ট্ৰীয় ঘাইপথত সংঘটিত এই…
এইচ আই ভিত মৃত্যুৰ ক্ষেত্ৰত এছিয়াৰ ভিতৰত পঞ্চম, নৱম আৰু দশম স্থানত আছে ক্ৰমে ম্যানমাৰ, নেপাল আৰু বাংলাদেশ
এছিয়াত এইডছ সম্পৰ্কীয় মৃত্যুৰ ঘটনা হ্ৰাস পোৱাৰ পিছতো অঞ্চলটোত এই ৰোগত মৃত্যু হোৱাৰ ঘটনা অব্যাহত আছে। ৰাষ্ট্ৰসংঘৰ এইডছ সম্পৰ্কীয় প্ৰতিবেদনত এছিয়াৰ দেশসমূহৰ…
উদ্বেগজনক খৱৰ! ১৫দিনত ১,৬১৮টি শিশু কৰ’নাত আক্ৰান্ত দেশৰ এইখন ৰাজ্যত
কৰ’নাৰ দ্বিতীয়টো ঢৌৱে দেশত ভয়ংকৰ সংক্ৰমণৰ ৰূপ ধাৰণ কৰিছে। তৰুণৰ পৰা আৰম্ভ কৰি শিশুলৈকে এইবাৰ কৰ’নাত আক্ৰান্ত হৈছে সকলোৱে। দেশৰেই এখন ৰাজ্য…
দৰঙত মুখ্য মন্ত্ৰী সোণোৱালৰ বিজেপি প্ৰাৰ্থী দিলীপ শইকীয়াৰ হৈ নিৰ্বাচনী প্ৰচাৰ
‘কংগ্ৰেছ মানেই অপশাসন, কংগ্ৰেছ মানেই ভ্ৰষ্টাচাৰ, কংগ্ৰেছ মানেই দুৰ্নীতি. কংগ্ৰেছ মানেই পৰিয়ালতন্ত্ৰ, কংগ্ৰেছ মানেই বিভাজন। পৰিয়ালতন্ত্ৰ ৰাজনীতি লৈ কংগ্ৰেছৰ নেতা-পালিনেতা ব্যস্ত।’ এই…