জন্মু কাশ্মীৰত পুনৰ তেজৰ খেলা ! সন্ত্ৰাসবাদীৰ আক্ৰমণত নিহত ৫ ভাৰতীয় সেনা
আকৌ জম্মু–কাশ্মীৰত উগ্ৰপন্থীৰ আক্ৰমণত প্ৰাণ গ’ল ভাৰতীয় সেনাৰ। বৃহস্পতি বাৰে পুঞ্চ জিলাৰ ৰাজৌৰী ছেক্টৰত সন্ত্ৰাসবাদীয়ে চলোৱা গুলীচালনা আৰু গ্ৰেনেড আক্ৰমণত নিহত হৈছে পাঁচজন ভাৰতীয় সেনা।
পাকিস্তানী উগ্ৰপন্থী সংগঠন জৈছ–ই–মহম্মদে এই আক্ৰমণ সংঘটিত কৰা বুলি সন্দেহ প্ৰকাশ কৰিছে সেনাবাহিনীয়ে। ইতিমধ্যে এই ঘটনাৰ তদন্তৰ দায়িত্ব NIAক দিয়া হৈছে।
উল্লেখ্য যে অহা ২২–২৪ মে’ত শ্ৰীনগৰত জি–২০ ৱৰ্কিং গ্ৰুপ অন টুৰিজিমৰ বৈঠক অনুষ্ঠিত হোৱাৰ কথা আছে। কেন্দ্ৰৰ মতে উক্ত আন্তঃৰাষ্ট্ৰীয় সন্মিলন খনৰ পূৰ্বে জম্মু–কাশ্মীৰত অশান্তি বিয়পাই দিয়াৰ পৰিকল্পনা কৰিছে পাকিস্তান সমৰ্থিত উগ্ৰপন্থীয়ে।
শুকুৰবাৰে সেনাবাহিনীৰ উত্তৰ কমাণ্ডৰ এক বিবৃতিত কোৱা হৈছে যে বৃহস্পতিবাৰে বিয়লি ৰাজৌৰী ছেক্টৰৰ ভীমবৰত সংঘটিত হোৱা ঘটনাৰ সময়ত ধাৰাসাৰ বৰষুণ হৈছিল। ফলত দূৰলৈকে দেখা পোৱাত অসুবিধা হৈছিল সেনা সকলৰ। সেই সুযোগ গ্ৰহণ কৰিয়েই উগ্ৰপন্থীয়ে সেনাৰ বাহনখনক লক্ষ্য কৰি গুলীচালনা কৰে।
আক্ৰমণৰ পিছতে উগ্ৰপন্থীক বিচাৰি অঞ্চলটোৰ চাৰিওফালে তালাচী অভিযান আৰম্ভ কৰা হয়। গুৰুতৰভাৱে আহত এজন জোৱানক চিকিৎসালয়লৈ প্ৰেৰণ কৰা হয়। বৰ্তমান তেওঁ চিকিৎসাধীন হৈ আছে।
সেনা কৰ্তৃপক্ষই জনোৱা মতে মৃত জোৱান কেইজন হ’ল – হবিলদাৰ মনদ্বীপ সিং, লেন্স নাইক দেবাশীছ বছৱাল, লেন্স নাইক কুলৱন্ত সিং, চিপাহী হৰকিছন সিং আৰু চিপাহী সেৱক সিং।
প্ৰতিৰক্ষা মন্ত্ৰী ৰাজনাথ সিঙে নিহত সেনা জোৱানৰ পৰিয়াললৈ শোক বাৰ্তা প্ৰেৰণ কৰিছে।
You may also like
মধ্যবিত্তলৈ সকাহ! বাজেটত বৃহৎ কৰ ৰেহাই সীতাৰমণৰ; ১২ লাখ টকালৈকে দিব নালাগে আয়কৰ
কেন্দ্ৰীয় বিত্তমন্ত্ৰী নিৰ্মলা সীতাৰমণে শনিবাৰে সাধাৰণ বাজেট ভাষণত ব্যক্তিগত আয়কৰ বৃহৎ পৰিমাণে ৰেহাইৰ কথা ঘোষণা কৰে। বিত্তমন্ত্ৰীয়ে ঘোষণা কৰে যে ১২ লাখ…
শোকাৱহ! ট্ৰাকত খুন্দা মাৰি ভস্মীভূত বাহন, দুই শিশুসহ একেটা পৰিয়ালৰে সাতজনে হেৰুৱালে প্ৰাণ
ৰাজস্থানৰ ছিকাৰ জিলাত সংঘটিত হৈছে এক মৰ্মান্তিক কাণ্ড। এখন ট্ৰাকত খুন্দা মৰাৰ ফলত ৰাজপথতে দাওদাওকৈ জ্বলি উঠিল এখন ব্যক্তিগত বাহন। জীৱন্তে অগ্নিদগ্ধ…
জাতীয়তাবাদী দাক্ষিণাত্য : ‘হিন্দী আগ্ৰাসন’ৰ বিৰোধিতা কৰি বিজেপি ত্যাগ কৰিলে জনপ্ৰিয় তামিল অভিনেত্ৰীয়ে
তামিলনাডুৰ আাৰম্ভ হৈছে ‘ভাষা যুদ্ধ’ৰ। তামিল জাতি আৰু ভাষাৰ পৰিচয় ৰক্ষাৰ স্বাৰ্থত বিজেপি ত্যাগ কৰিছে জনপ্ৰিয় তামিল অভিনেত্ৰী ৰঞ্জনা নাচিয়াৰে। এইগৰাকী বিখ্যাত…
মুম্বাইৰ হাতত বিধ্বস্ত কলকাতা; চলিত আইপিএলত প্ৰথম জয়েৰে সঞ্জীৱনী লাভ কৰিলে হাৰ্দিক বাহিনীয়ে
জয়ী হ’বলৈ প্ৰয়োজন হৈছিল মাত্ৰ ১১৭ ৰানৰ। ক’ব পাৰি যে মুম্বাই ইণ্ডিয়ানছৰ সন্মুখত তেনে কোনো চাপেই নাছিল। এটা সৰু লক্ষ্য যেনেদৰে অতিক্ৰম…