টুইটাৰৰ বাবে নতুন চিইঅ’ বিচাৰি পালে ইলন মাক্সে! ৬ সপ্তাহৰ ভিতৰতে দায়িত্ব ল’ব নতুনগৰাকীয়ে

দীৰ্ঘদিনীয়া জল্পনা-কল্পনাৰ অন্তত টুইটাৰৰ দায়িত্ব লৈছিল ইলন মাস্কে। যোৱা বছৰৰ এপ্ৰিল মাহত তেওঁ কোম্পানীটো ৪ হাজাৰ ৪ বিলিয়ন ডলাৰত ক্ৰয় কৰিছিল। দায়িত্ব লোৱাৰ পিছৰে পৰা সংস্থাটোৰ ভিতৰত ইটোৰ পিছত সিটো পৰিৱৰ্তন আনিছে বিশ্বৰ ধনীতম ব্যক্তিগৰাকীয়ে।

এইবাৰ তেওঁ টুইট কৰি কয় যে তেওঁ মাইক্ৰ’ ব্লগিং কোম্পানীটোৰ বাবে নতুন মুখ্য কাৰ্যবাহী বিষয়া (চিইঅ’) বিচাৰি পাইছে। নতুন ব্যক্তিগৰাকীয়ে অহা ৬ সপ্তাহৰ ভিতৰত নতুন দায়িত্ব লৈ কাম আৰম্ভ কৰিব।

লগতে পঢ়ক: IPL 2023 KKR vs RR: চাহাল-যশস্বীৰ অভিলেখ; ৰাজস্থান ৰয়েলছৰ ওচৰত অসহায় আত্মসমৰ্পণ কলকাতা নাইট ৰাইডাৰ্ছৰ

তাৰ পিছত মাস্কৰ নিজৰ দায়িত্ব কি হ’ব সেইটোও তেওঁ জনাইছে। কোম্পানীটোৰ নতুন চিইঅ’ই দায়িত্ব লোৱাৰ পিছত ইলন মাস্কে মুখ্য প্ৰযুক্তিবিদ (চীফ টেকন’লজিষ্ট) হিচাপে কাৰ্যনিৰ্বাহ কৰিব।

Excited to announce that I’ve hired a new CEO for X/Twitter. She will be starting in ~6 weeks!

My role will transition to being exec chair & CTO, overseeing product, software & sysops.

— Elon Musk (@elonmusk) May 11, 2023

অৱশ্যে তেওঁ নতুন চিইঅ’ৰ নাম উল্লেখ নকৰিলে। কিন্তু বৰ্তমান টুইটাৰৰ নতুন চিইঅ’ হিচাপে উত্থাপিত হোৱা নামটো হৈছে এনবিচি ইউনিভাৰ্চেলৰ কাৰ্যবাহী লিণ্ডা ইয়াকাৰিনো। এই বিষয়ত তেওঁৰ সৈতে ইতিমধ্যে কথা পাতিছে বুলিও জানিব পৰা গৈছে।