পি এম মোডী তথ্যচিত্ৰ:মানহানিৰ গোচৰত বিবিচিলৈ চমন জাৰি দিল্লী উচ্চ ন্যায়ালয়ৰ

গুজৰাটৰ এটা বেচৰকাৰী সংস্থাই দাখিল কৰা মানহানিৰ গোচৰত ব্ৰিটেইনৰ সংবাদ সংস্থা ব্ৰিটিছ ব্ৰডকাষ্টিং কৰ্প’ৰেশ্যনক চমন জাৰি কৰি দিল্লী উচ্চ ন্যায়ালয়ে দাবী জনাইছে যে তেওঁলোকে প্ৰকাশ কৰা প্ৰধানমন্ত্ৰী নৰেন্দ্ৰ মোদী সম্পৰ্কীয় দুটা খণ্ডৰ তথ্যচিত্ৰখনে ভাৰত আৰু ইয়াৰ ন্যায়পালিকাক তিৰস্কাৰ কৰিছে।

সোমবাৰে ন্যায়াধীশ শচীন দত্তৰ বিচাৰপীঠে বিবিচিকে ধৰি প্ৰতিবাদকাৰীক চমন জাৰি কৰে।

গুজৰাটৰ এটা বেচৰকাৰী সংস্থাটোৰ অধিবক্তা হৰিশ ছালভে আদালতত দাবী কৰে যে তথ্যচিত্ৰখনে ভাৰত আৰু ন্যায়পালিকাকো বদনাম কৰিছে।

উল্লেখ্য যে শেহতীয়াকৈ দিল্লীৰ ৰোহিনী আদালতেও বিবিচিক চমন জাৰি কৰিছিল।

বিবিচিয়ে ২০২৩ চনৰ জানুৱাৰী মাহত দুটা খণ্ডৰ তথ্যচিত্ৰখন ধাৰাবাহিকভাবে প্ৰচাৰ কৰিছিল। তথ্যচিত্ৰখনৰ জৰিয়তে বিবিচিয়ে দাবী কৰিছে যে নৰেন্দ্ৰ মোডীৰ শাসনকালত ভাৰতত ঘৃণাজনিত অপৰাধ আৰু চৰম ৰাজনীতিৰ ভয়ংকৰ উত্থান ঘটিছে। বিশেষকৈ মুছলমান সম্প্ৰদায়ক আক্ৰমণৰ লক্ষ্য কৰি লোৱা হৈছে।