ডাঙৰ খবৰ : আপৰ পৰা তাৎক্ষণিকভাবে নিলম্বন কৰা হ’ল কমল কুমাৰ মেধিক

আপৰ পৰা নিলম্বন কৰা হ’ল কমল কুমাৰ মেধিক। 

‘তিনি গগৈ’ সম্পৰ্কত কৰা সাম্প্ৰদায়িক মন্তব্যৰ বাবে নিলম্বন কৰা বুলি জনালে আপ অসমৰ সভাপতি ভৱেন চৌধুৰীয়ে। 

ফেচবুকত আহোম জাতিৰ বিষয়ে বিৰূপ মন্তব্য কৰাৰ বাবে তাৎক্ষণিকভাবে নিলম্বন কৰা হৈছে মেধিক।

উল্লেখ্য যে ৰাজনৈতিক যাত্ৰাত কমল মেধিয়ে পূৰ্বে কৃষক মুক্তি সংগ্ৰাম সমিতি, ৰাইজৰ দল, কংগ্ৰেছকে ধৰি বিভিন্ন ৰাজনৈতিক দলৰ সৈতে জড়িত আছিল। অৱশেষত তেওঁ আপত যোগদান কৰে যদিও এতিয়া তেওঁৰ বিতৰ্কিত বক্তব্যৰ পৰিণতিৰ সন্মুখীন হ’বলগীয়া হৈছে। 

নিলম্বনৰ পিছত তাৎক্ষণিকভাবে  কমল মেধিয়ে ফেচবুকত আম আদমী পাৰ্টিক আক্ৰমণৰ উদ্দেশ্যে এটা পোষ্ট শ্বেয়াৰ কৰে।

মন কৰিবলগীয়া যে ২০২১ চনত পাটাছাৰকুছি বিধানসভা সমষ্টিত কমল মেধিয়ে প্ৰতিদ্বন্দ্বিতা কৰিছিল যদিও নিৰ্বাচনত শোচনীয় পৰাজয়ৰ সন্মুখীন হৈছিল।

কমল মেধিৰ নিলম্বনৰ ঘটনাই ৰাজনৈতিক মহলত আলোড়নৰ সৃষ্টি কৰিছে। বহুতে তেখেতৰ ৰাজনৈতিক ভৱিষ্যত সম্পৰ্কেও প্ৰশ্ন উত্থাপন কৰিছে। বহুতে ক’ব খুজিছে যে এই নিলম্বনে কমল মেধিৰ ৰাজনৈতিক ভৱিষ্যত প্ৰায় শেষ কৰি দিব।