আপুনি আমাক যি নামেৰেই নামাতক লাগিলে, আমি মণিপুৰৰ চকুলো মচিম – মোদীক প্ৰতুত্তৰ ৰাহুলৰ

নতুন বিৰোধী মিত্ৰজোঁট INDIA (Indian National Developmental Inclusive Alliance) সন্দৰ্ভত প্ৰধানমন্ত্ৰী নৰেন্দ্ৰ মোদীয়ে কৰা মন্তব্যৰ প্ৰতিক্ৰিয়া প্ৰকাশ কৰে কংগ্ৰেছ নেতা ৰাহুল গান্ধীয়ে। 

মঙলবাৰে বিয়লি তেওঁ টুইটাৰত লিখিছে, “মোডী ডাঙৰীয়া, আপুনি আমাক যি নামেৰেই নামাতক লাগিলে, আমি INDIA’। আমি মণিপুৰৰ ঘাঁ ভাল কৰাত সহায় কৰিম, প্ৰতিগৰাকী মহিলা আৰু শিশুৰ চকুলো মচিম। আমি মানুহৰ মাজত শান্তি আৰু প্ৰেম পুনৰ ঘূৰাই আনিম। আমি মণিপুৰত ভাৰতীয়ত্বৰ মনোভাৱ পুনৰ নিৰ্মাণ কৰিম।” 

মণিপুৰ সন্দৰ্ভত প্ৰধানমন্ত্ৰীৰ বক্তব্যৰ দাবী জনাইছে INDIA ৰ সাংসদসকলে। সোমবাৰে পুৱা গ্ৰীষ্মকালীন অধিৱেশনৰ চতুৰ্থ দিন আৰম্ভ হোৱাৰ পূৰ্বে মোদীয়ে সংসদ ভৱনত বিজেপি সংসদীয় দলৰ বৈঠকত নিষিদ্ধ দুটা উগ্ৰপন্থী গোট ‘ভাৰতীয় মুজাহিদীন’ আৰু ‘ভাৰতৰ জনপ্ৰিয় মৰ্চাৰ’ৰ সৈতে ‘INDIA’ৰ তুলনা কৰিছিল। ব্ৰিটিছ ইষ্ট ইণ্ডিয়া কোম্পানীৰ প্ৰসংগও উত্থাপন কৰে নৰেন্দ্ৰ মোদীয়ে। তেওঁ বিৰোধীক ঠাট্টা কৰি কয় যে তিনিওটাৰ ক্ষেত্ৰতে ‘INDIA’ শব্দটো আছে।

মোডীৰ মন্তব্যৰ বাবেই মঙলবাৰে সংসদত প্ৰতিবাদ সাব্যস্ত কৰে বিৰোধী সাংসদসকলে। তেওঁলোকে দাবী কৰে যে প্ৰধানমন্ত্ৰীৰ এনে মন্তব্যত তেওঁৰ ভয় প্ৰকাশ পাইছে’। কংগ্ৰেছৰ সভাপতি তথা ৰাজ্যসভাৰ বিৰোধী দলপতি মল্লিকাৰ্জুন খৰ্গেই কয় যে, ‘পাটনা আৰু বেংগালুৰুত আমাৰ সফল বৈঠক দেখি প্ৰধানমন্ত্ৰী চিন্তিত হৈ পৰিছে। সেইবাবেই তেওঁলোকে এনে ভিত্তিহীন অভিযোগ উত্থাপন কৰিছে।” 

তৃণমূলৰ ৰাজ্যসভা সাংসদৰ ডেৰেক অ’ব্ৰাইনে মন্তব্য কৰে যে সংসদৰ অধিৱেশন চলি আছে। প্ৰধানমন্ত্ৰীয়ে যি ক’ব লাগে, তেওঁ অধিৱেশনলৈ আহি ক’ব পাৰে। চাৰিদিন ধৰি আমি তেওঁৰ বাবে অপেক্ষা কৰি আছো। কিন্তু তেওঁ অধিবেশনলৈ নাহি নিজৰ দলৰ বৈঠকত এইদৰেই প্ৰলাপ বকি আছে।