বিশ্বৰ শীৰ্ষ ১০০ শ্ৰেষ্ঠ কোম্পানীৰ তালিকাত কেৱল এটা কোম্পানী: চাওক, কোনে লাভ কৰিছে স্থান

টাইম মেগাজিন আৰু অনলাইন ডাটা প্লেটফৰ্ম ষ্টেটিষ্টাই সংকলন কৰিছে ২০২৩ বৰ্ষৰ বিশ্বৰ শ্ৰেষ্ঠ কোম্পানীৰ এখন তালিকা। এই তালিকাৰ শীৰ্ষ ১০০ কোম্পানীৰ ভিতৰত স্থান লাভ কৰিছে মাত্ৰ এটা ভাৰতীয় কোম্পানীয়ে।

ভাৰতৰ কেৱল ইনফ’ছিছ লিমিটেডে স্থান লাভ কৰিছে টাইম আৰু ষ্টেটিষ্টাৰ দ্বাৰা সংকলিত এই তালিকাৰ শীৰ্ষ ১০০ শ্ৰেষ্ঠ কোম্পানীৰ ভিতৰত। তালিকাত ইনফ’ছিছক ৬৪ সংখ্যক স্থানত স্থান দিয়া হৈছিল।

মাইক্ৰ’ছফ্ট, এপল, গুগলৰ স্বত্বাধিকাৰী কোম্পানী আলফাবেট আৰু মেটা প্লেটফৰ্মছৰ দৰে প্ৰখ্যাত টেক কোম্পানীয়ে এই তালিকাৰ শীৰ্ষৰ ফালে স্থান দখল কৰা

টাইম আৰু ষ্টেটিষ্টাই বিশ্বৰ অৰ্থনৈতিক ব্যৱস্থাৰ ওপৰত প্ৰভাৱ বিস্তাৰ কৰা মুঠ ৭৫০টা কোম্পানীৰ এক তালিকা নিৰ্মাণ কৰিছে। ৰাজহ বৃদ্ধি, কৰ্মচাৰীৰ সন্তুষ্টিৰ জৰীপ, বহনক্ষমতা ইত্যাদি তথ্যৰ সূত্ৰৰ ওপৰত ভিত্তি কৰি তালিকা প্ৰকাশ কৰা হৈছে।

দ্ৰুতগতিত আগবাঢ়ি অহা টেক আৰু ব্যৱসায়িক সেৱা কোম্পানীসমূহে এসময়ত বিশ্ব অৰ্থনীতিক আগুৱাই নিয়া নিৰ্মাণ খণ্ডৰ কোম্পানী আৰু গ্ৰাহক সামগ্ৰী কোম্পানীসমূহক ক্ৰমশ: পিছলৈ ঠেলি দিয়া স্পষ্টকৈ প্ৰতিফলিত হৈছে এই তালিকাত।

এই তালিকাত একমাত্ৰ ভাৰতীয় কোম্পানী হিচাপে ইনফ’ছিছে শীৰ্ষৰ ১০০ ৰ ভিতৰত স্থান লাভ কৰাৰ বিপৰীতে আন সাতটা ভাৰতীয় কোম্পানীয়ে ৭৫০ টা কোম্পানীৰ ভিতৰত স্থান লাভ কৰিবলৈ সক্ষম হৈছে।

উইপ্ৰ’ লিমিটেডে ১৭৪ নম্বৰ, মহিন্দ্ৰা গ্ৰুপ ২১০, ৰিলায়েন্স ইণ্ডাষ্ট্ৰীজ লিমিটেডে ২৪৮, এইচ চি এল টেকন’লজিছ লিমিটেডে ২৬২, এইচ ডি এফ চি বেংক ৪১৮, ডব্লিউ এন এছ গ্ল’বেল চাৰ্ভিচেছ ৫৯৬ আৰু আই টি চি লিমিটেডে ৬৭২ নম্বৰ স্থান লাভ কৰে।