ভাৰতত সাংবাকিদৰ ওপৰত হোৱা আক্ৰমণৰ বিৰোধিতাৰে বিশ্বৰ ২৩০ গৰাকী বিশিষ্ট ব্যক্তিৰ স্বাক্ষৰ
ভাৰতৰ সংবাদগোষ্ঠী নিউজক্লিক, ইণ্টাৰনেশ্যনেল আউটলেট পিপলছ ডিস্পেচ আৰু ট্ৰাইকন্টিনেণ্টেল ৰিচাৰ্চ চাৰ্ভিচেছৰ সৈতে জড়িত ১০০ জনৰো অধিক সাংবাদিকৰ ঘৰত ভাৰতীয় কৰ্তৃপক্ষই অভিযান চলোৱাৰ মাত্ৰ কেইদিনমানৰ পিছতে ২৩০ জনতকৈ অধিক সাংবাদিক, ৰাজনৈতিক নেতা, শিল্পী, শিক্ষাবিদ, প্ৰগতিশীল কৰ্মীয়ে এই দমনৰ বিৰোধিতা কৰি এখন মুকলি পত্ৰত স্বাক্ষৰ কৰিছে।
লগতে ব্যক্তিসকলে নিউজক্লিকৰ মুখ্য সম্পাদক প্ৰবীৰ পুৰকায়স্থ আৰু প্ৰশাসক অমিত চক্ৰৱৰ্তীক UAPA আইনৰ অধীনত গ্ৰেপ্তাৰ কৰা কাণ্ডক তীব্ৰ গৰিহণা দিয়াৰ লগতে মুক্তিৰ দাবী জনায়।
পত্ৰখনত স্বাক্ষৰ কৰে দক্ষিণ আফ্ৰিকাৰ জুপুৰিবাসী আন্দোলন আবাহলালি বেছমজোণ্ডোলোৰ ৰাজনৈতিক নেতা ছ’বু জিকোড, ম্কাফেলি আৰু থাপেলো মহাপি, চীন ফেইনৰ সাংসদ ক্ৰীছ হাজাৰ্ড, দক্ষিণ আফ্ৰিকাৰ কমিউনিষ্ট পাৰ্টিৰ মহাসচিব ছলি মাপাইলা আদিয়ে।
জেকবিন মেগাজিনৰ প্ৰতিষ্ঠাপক তথা দ্য নেচনৰ সভাপতি ভাস্কৰ চুংকৰা, দ্য এম্পায়াৰ ফাইলছৰ এবি মাৰ্টিন আৰু মাইক প্ৰাইছনাৰ, দ্য ইনচাইট নিউজপেপাৰৰ পৰিচালন সম্পাদক আৰু পেন আফ্ৰিকান টেলিভিছনৰ প্ৰতিষ্ঠাপক কুৱেছি প্ৰাট জুনিয়ৰ ঘানা, পেচিফিকা ৰেডিঅ’ আৰু কেপিএফকে-লছ এঞ্জেলছৰ ইতিহাসবিদ আৰু সাংবাদিক জেৰাল্ড হৰ্ণ, দ্য মৰ্নিং ষ্টাৰৰ সম্পাদক বেন চাকো আৰু ৰজাৰ মেকেঞ্জী, ডেঞ্জাৰছ মাইণ্ডছৰ কমেডিয়ান আৰু সাংবাদিক লি কেম্প, আৰু ব্ৰেকথ্ৰু নিউজৰ ৰানিয়া খালেক আৰু ইউজিন পিউৰিয়াৰৰ দৰে গণ্য মান্য ব্যক্তি সকলে এই পত্ৰত স্বাক্ষৰ কৰে।
এই পত্ৰত স্বাক্ষৰকাৰী দেশসমূহৰ ভিতৰত আছে আৰ্জেণ্টিনা, অষ্ট্ৰেলিয়া, বেনিন, বলিভিয়া, ব্ৰাজিল, কানাডা, , মেক্সিকো, পেৰু, পুয়েৰ্টো ৰিকো, ৰাছিয়া, দক্ষিণ আফ্ৰিকা, ছুইডেন, ট্ৰিনিদাদ আৰু ট’বাগো, ব্ৰিটেইন, আমেৰিকা, আৰু ভেনিজুৱেলা, চিলি, চীন, ক্ৰ’ৱেচিয়া, কিউবা, ইকুৱেডৰ, ইজিপ্ত, জাৰ্মানী, গুৱেটামালা, হাইটি, ভাৰত, আয়াৰলেণ্ড, ইটালী, জামাইকা, কেনিয়া, লেবানন, মালয়েছিয়াকে ধৰি ৩০খনতকৈও অধিক দেশ।
You may also like
জ্ঞানদীপ হাজৰিকাৰ ওপৰত হোৱা আৰক্ষীৰ বৰ্বৰতাৰ বিৰুদ্ধে মানৱ অধিকাৰ আয়োগলৈ স্মাৰক পত্ৰ প্ৰেৰণ ডি ৱাই এফ আইৰ
কালি ১৫ নবেম্বৰ তাৰিখে গুৱাহাটীৰ ফাঁচী বজাৰ এলেকাত খাদ্য ডেলিভাৰি কামৰ সৈতে জড়িত জ্ঞানদ্বীপ হাজৰিকা নামৰ এগৰাকী নিৰীহ যুৱকক এগৰাকী আৰক্ষী বিষয়াই…
আলফা(স্বা:)ৰ বৰ্জনৰ আহ্বানৰ বিপৰীতে সুকলমে স্বাধীনতা দিৱস উদযাপনৰ প্ৰস্তুতি শিৱসাগৰ জিলা প্ৰশাসনৰ
এইবৰ্ষত দেশে স্বাধীন হোৱাৰ ৭৫ বছৰ সম্পূৰ্ণ কৰিলে। কেন্দ্ৰীয় চৰকাৰৰ আহ্বানত সমগ্ৰ দেশতে এই বৰ্ষৰ স্বাধীনতা দিৱস আজাদী কা অমৃত মহোৎসৱ হিচাপে…
অনুৰাগীৰ বাবে দুঃখবৰ, চিনেমা জগতত ভৰি নিদিয়ে অমিতাভৰ নাতিনী নব্যাই
চিনেমাৰ পৰ্দাত দেখা পোৱা নাযাব অমিতাভ বচ্ছনৰ নাতিনী নব্যা নাৱেলি নন্দাক। নব্যাই দেউতাক নিখিল নন্দাৰ ব্যৱসায় জগতখনতহে অংশ ল’বলে আগবাঢ়িছে। এখন আলোচনীৰ…
পুনৰ বিতৰ্কত মহম্মদ ছামীৰ পত্নী! এইবাৰ মাৰপিটৰ ঘটনাত অভিযুক্ত হাছিন জাহান
পুনৰ আইনী সমস্যাত ধৰা পৰিছে হাছিন জাহান। ডালিয়া খাতুন নামৰ এগৰাকী মহিলাই মহম্মদ ছামীৰ পত্নী হাছিন জাহানৰ বিৰুদ্ধে এজাহাৰ দাখিল কৰিছে। ডালিয়া…