ভাৰতীয় মল্লযুঁজ ফেডাৰেচনৰ অস্থায়ী সমিতি গঠন ভাৰতীয় অলিম্পিক সন্থাৰ

দেশৰ তাৰকা মল্লযুঁজাৰুসকলৰ প্ৰতিবাদী স্থিতিৰ পাছতে ভাৰতীয় মল্লযুঁজ ফেডাৰেচন (WFI)ৰ নৱনিৰ্বাচিত সমিতি ভংগ কৰিবলৈ বাধ্য হৈছিল কেন্দ্ৰীয় চৰকাৰ।

কেন্দ্ৰই এই সমিতি ভংগ কৰি ফেডাৰেচন সন্দৰ্ভত সিদ্ধান্ত গ্ৰহণ কৰিবলৈ দিয়া হৈছিল ভাৰতীয় অলিম্পিক সন্থাক।

নৱনিৰ্বাচিত এই সমিতি প্ৰশাসন ভংগৰ কিছুদিন পিছতে আজি ভাৰতীয় অলিম্পিক সন্থাই এখন অস্থায়ী সমিতি গঠন কৰিছে।

ভূপিন্দৰ সিং বাজৱাৰ নেতৃত্বত গঠি এই তদৰ্থ সমিতিখনৰ সদস্যসকল হৈছে এম এম সোময়া আৰু মঞ্জুছা কানৱাৰ।

উল্লেখ্য যে ফেডাৰেচনৰ প্ৰাক্তন মুৰব্বী ব্রিজ ভূষণ শৰণ সিঙৰ ঘনিষ্ঠ সহযোগী সঞ্জয় সিঙে নিৰ্বাচনত জয়লাভ কৰাৰ পিছতে প্ৰতিবাদী মল্লযুঁজাৰুসকল ক্ষোভিত হৈ পৰিছিল।

অলিম্পিক পদক বিজয়ী সাক্ষী মালিকে এই ফলাফলৰ পিছতে মল্লযুঁজৰ পৰা অৱসৰ ঘোষণা কৰিছিল।

আনহাতে আন দুগৰাকী তাৰকা বজৰং পুনিয়াই পদ্মশ্ৰী আৰু বিনেশ ফ’গাটে খেলৰত্ন আৰু অৰ্জুন বঁটা চৰকাৰক ঘূৰাই দিয়াৰ সিদ্ধান্ত লয়।