মৰ্মান্তিক! গেছ টেংকাৰৰ ভয়াৱহ বিস্ফোৰণ, প্ৰায় ৪০ জনৰ মৃত্যু

আফ্ৰিকান ৰাষ্ট্ৰ লাইবেৰিয়াত বুধবাৰে সংঘটিত হয় এক শোকাৱহ ঘটনা। উত্তৰ-মধ্য লাইবেৰিয়াত সংঘটিত এক গেছ টেংকাৰ বিস্ফোৰণত প্ৰায় ৪০ জন লোকৰ মৃত্যু হয়।

উত্তৰ-মধ্য লাইবেৰিয়াৰ ল’ৱাৰ বং কাউন্টিৰ টোটোটাত ইন্ধন কঢ়িওৱা বাহনখন দুৰ্ঘটনাগ্ৰস্ত হয় আৰু পথতে বাগৰি পৰে।

ইয়াৰ কিছু সময়ৰ পিছতে বাহনখনৰ বিস্ফোৰণ ঘটে আৰু সেই স্থানত ভিৰ কৰা বহু লোকৰ এই বিস্ফোৰণত মৃত্যু ঘটে।

দেশখনৰ মুখ্য চিকিৎসা বিষয়াজনে বিস্ফোৰণত নিহত লোকৰ সংখ্যা ৪০ জন বুলি এক বিজ্ঞপ্তি যোগে প্ৰকাশ কৰে।

আনহাতে আহত বহুকেইজন লোক এতিয়াও চিকিৎসাধীন হৈ আছে।

ইয়াৰে বহুকেইজনৰ অৱস্থা সংকট্জনক বাবে মৃত্যুৰ সংখ্যা বৃদ্ধি পাব পাৰে বুলি বিষয়াজনে লগতে কয়।