মালয়েছিয়াত নতুন ৰজাঃ অগাধ সম্পত্তি, আছে হিটলাৰে উপহাৰ দিয়া গাড়ী

মালয়েছিয়াৰ সিংহাসনত আৰোহণ কৰিছে এগৰাকী নতুন ৰজাই। নাম তেওঁৰ জোহৰ চুলতান ইব্ৰাহিম ইস্কন্দৰ। এই নতুন ৰজাগৰাকী আন এক কাৰণতো হৈ পৰিছে চৰ্চাৰ কাৰণ।

প্ৰকাশিত খবৰ অনুসৰি, নতুন ৰজা জোহৰ চুলতান ইব্ৰাহিম ইস্কন্দৰ এক বিশাল অৰ্থনৈতিক সাম্ৰাজ্যৰ অধিকাৰী। আনুমানিক ৫.৭ বিলিয়ন ডলাৰৰ সম্পত্তি আছে ইস্কন্দৰৰ।

ৰিয়েল এষ্টেট আৰু খননৰ পৰা আৰম্ভ কৰি টেলিকমিউনিকেচন আৰু পাম অইললৈকে বিশাল ক্ষেত্ৰ সামৰি বিস্তৃত তেওঁৰ ব্যৱসায়। তেওঁৰ চৰকাৰী বাসগৃহ ‘ইস্তানা বুকিট চেৰেনে’ তেওঁৰ এই অগাধ সম্পত্তিৰ প্ৰমাণ।

ব্লুমবাৰ্গৰ এক প্ৰতিবেদন অনুসৰি চুলতান ইব্ৰাহিমৰ পৰিয়ালৰ আনুমানিক সম্পত্তিৰ পৰিমাণ ৫.৭ বিলিয়ন ডলাৰ বুলি ধৰি লৈছে যদিও সম্পত্তিৰ প্ৰকৃত পৰিসৰ ইয়াৰ বহু বেছি বুলি ধাৰণা কৰা হৈছে।

মালয়েছিয়াৰ অন্যতম প্ৰধান চেল সেৱা প্ৰদানকাৰী ইউ মোবাইলৰ ২৪% অংশীদাৰিত্ব আছে চুলতান ইব্ৰাহিমৰ। ব্যক্তিগত আৰু ৰাজহুৱা কোম্পানীসমূহত অতিৰিক্ত বিনিয়োগৰ মুঠ মূল্য ৫৮৮ মিলিয়ন ডলাৰ।

বোটানিক গাৰ্ডেনৰ কাষৰীয়া বিস্তৃত অঞ্চল টাইৰছল পাৰ্ককে ধৰি ছিংগাপুৰত ৪ বিলিয়ন ডলাৰৰ মাটিও তেওঁৰ নামত আছে। শ্বেয়াৰ আৰু ৰিয়েল এষ্টেট ক্ষেত্ৰত চুলতানৰ বিনিয়োগ পৰ্টফলিঅ’ ১.১ বিলিয়ন ডলাৰ।

চুলটানৰ সংগ্ৰহত আছে ৩০০ৰো অধিক বিলাসী গাড়ী। ইয়াৰ ভিতৰত আছে ইটালীৰ কুখ্যাত শাসক এডলফ হিটলাৰে উপহাৰ দিয়া এখন গাড়ী। একেদৰে আছে বয়িং ৭৩৭কে ধৰি ব্যক্তিগত জেট বিমানৰ বাহৰ।

লক্ষণীয়ভাৱে তেওঁৰ পৰিয়ালৰ এটা ব্যক্তিগত সেনাবাহিনীও আছে। আজি চুলতান ইব্ৰাহিমে আনুষ্ঠানিকভাৱে সিংহাসনত অধিষ্ঠিত হয়।