পুলৱামাত নিৰাপত্তাৰক্ষী-সন্ত্ৰাসবাদীৰ সংঘৰ্ষঃ এজন সন্ত্ৰাসবাদী সদস্য নিহত

জম্মু-কাশ্মীৰত পুনৰ সংঘটিত হৈছে নিৰাপত্তাৰক্ষী-সন্ত্ৰাসবাদীৰ সংঘৰ্ষ। আজি পুৱা উপত্যকাটোৰ পুলৱামা জিলাৰ ফ্ৰাচিপোৰাত এই সংঘৰ্ষ সংঘটিত হৈছে।

এই সংঘৰ্ষত এজন সন্ত্ৰাসবাদী সদস্য নিহত হয় বুলি কৰ্তৃপক্ষপই সদৰী কৰিছে। জানিব পৰা মতে, জিলাখনৰ মুৰাণ অঞ্চলত সন্ত্ৰাসবাদীৰ উপস্থিতিৰ তথ্য লাভ কৰিছিল নিৰাপত্তা বাহিনীয়ে।

এই তথ্য লাভ কৰাৰ পিছতে নিৰাপত্তা বাহিনীয়ে অঞ্চলটোত এক অনুসন্ধান অভিযান চলায়। অভিযানৰ সময়তে দুয়োপক্ষৰ মাজত গুলীচালনা হয়।

সংঘৰ্ষ আৰম্ভ হোৱাৰ পিছতে অৰ্ধসামৰিক জোৱান আৰু জম্মু-কাশ্মীৰ আৰক্ষীয়ে অঞ্চলটো ঘেৰাও কৰে।

অঞ্চলটোত নিৰাপত্তা বাহিনীৰ তালাচী অভিযান এতিয়াও অব্যাহত আছে বুলি কৰ্তৃপক্ষই লগতে জানিবলৈ দিছে।