আজিৰে পৰা অসমতো ইছলাম ধৰ্মাৱলম্বীসকলে পালন কৰিব পৱিত্ৰ ৰমজানৰ ৰোজা
সমগ্ৰ ভাৰতবৰ্ষৰ লগতে অসমৰ ইছলাম ধৰ্মীৱলম্বী লোকসকলে বৃহস্পতিবাৰৰ পৰা ৰমজানৰ ৰোজা পালন কৰিব। বুধবাৰে গুৱাহাটী মহানগৰীকে ধৰি সমগ্ৰ ৰাজ্যজুৰি সন্ধিয়াৰ আকাশত জোন বিচাৰি সৃষ্টি হোৱা কেইবাঘণ্টাজোৰা উৎকণ্ঠাৰ অন্তত এই কথা সদৰী কৰে কেন্দ্ৰীয় হিলাল কমিটীৰ ৰাজ্যিক সভাপতি মৌলানা ফকৰউদ্দিন আহমেদ কাছিমীয়ে।
আজিৰে পৰা আৰম্ভ হ’ল ইছলাম ধৰ্মাৱলম্বীসকলৰ ইবাদতৰ শ্ৰেষ্ঠ মাহ ‘ৰমজান’। ৰাজ্যবাসীক পৱিত্ৰ ৰমজানৰ শুভেচ্ছা জ্ঞাপন কৰি ৰাজ্যিক কমিটীৰ সভাপতিগৰাকীয়ে পৱিত্ৰ ৰমজানৰ সময়ছোৱাত ৰাজ্যৰ শান্তি-সম্প্ৰীতি অটুট ৰখাৰ আহ্বান জনাইছে। তদুপৰি এই পৱিত্ৰ ৰমজান মাহতে ৰাজ্যৰ সম্প্ৰীতি, পৰস্পৰা আৰু ভাতৃত্ববোধৰ এনাজৰীডাল যাতে আৰু শক্তিশালী হয়, তাৰ বাবে ৰাজ্যবাসীক আহ্বান জনাইছে কেন্দ্ৰীয় হিলাল কমিটীয়ে।
তদুপৰি, পৱিত্ৰ ৰমজান মাহত যাতে কোনো দুষ্কৃতিকাৰীয়ে ৰাজ্যত অপ্ৰীতিকৰ পৰিস্থিতি সৃষ্টি কৰিব নোৱাৰে, তাৰ বাবে ৰাজ্য চৰকাৰৰ লগতে সমগ্ৰ জিলা প্ৰশাসন আৰু বেচৰকাৰী অনুষ্ঠান-প্ৰতিষ্ঠানক কঠোৰ দৃষ্টি ৰাখিবলৈ আহ্বান জনাইছে।
আনহাতে, কমিটীৰ উপ-সভাপতি জহুৰউদ্দিন আহমেদ আৰু ৰাজধানী মহানগৰীৰ আঠগাঁও কবৰস্থানৰ উপদেষ্টা কাজি নেকিব শইকীয়াই সমগ্ৰ ৰাজ্যবাসীক ৰমজানৰ শুভেচ্ছা জ্ঞাপন কৰি এই পৱিত্ৰ ৰমজানৰ ৰোজাই ৰাজ্যবাসীৰ অন্তৰত পৰস্পৰ ভাতৃত্ববোধ জগাই তুলিব বুলি আশা ব্যক্ত কৰে।
You may also like
মৰ্মান্তিক! ঋণ পৰিশোধ কৰিব নোৱাৰি ধুবুৰীত নিজকে জ্বলাই আত্মহত্যা কৰিলে পতি-পত্নীয়ে
সময়মতে ঋণৰ কিস্তি আদায় দিব নোৱাৰি ধুবুৰীৰ কনক নাথ নামৰ ব্যক্তিজনে তেওঁৰ পত্নী মাজনী নাথৰ সৈতে আত্মহত্যাৰ পথ বাচি লয়। ধুবুৰীৰ বিলাসীপাৰাৰ…
যোৱা ২৪ ঘণ্টাত ৫২ কাৰাবন্দীসহ ডিব্ৰুগড়ত তিনি শতাধিক কৰোনাত আক্ৰান্ত : আৰু ১০ আক্ৰান্তৰ মৃত্যু
অপৰিৱৰ্তনীয় হৈয়ে আছে ডিব্ৰুগড় জিলাৰ কোভিড পৰিস্থিতি। বুধবাৰে দিনটোত ডিব্ৰুগড়ত ৩৭৫ গৰাকী লোকৰ শৰীৰত কোভিড অৱস্থিতি ধৰা পৰাৰ বিপৰীতে মৃত্যু হৈছে আৰু…
মোডীৰ আমন্ত্ৰণৰ প্ৰতি সঁহাৰি! দিল্লীত অনুষ্ঠিত আন্তঃৰাষ্ট্ৰীয় সন্মিলনত অংশগ্ৰহণ কৰিলে ইউনুছে
নতুন দিল্লীত আয়োজন কৰা হৈছিল তৃতীয় ভইচ অৱ দ্য গ্ল’বেল চাউথ ছামিট। বাংলাদেশৰ অন্তৱৰ্তীকালীন চৰকাৰৰ মুখ্য উপদেষ্টা মহম্মদ ইউনুছে ভাৰ্চুৱেলি এই আন্তঃৰাষ্ট্ৰীয়…
নৰেন্দ্ৰ মোদী-হিমন্ত বিশ্ব থাকিলে অসমত সকলো বুথেই হ’ব কংগ্ৰেছ মুক্ত: ৰঞ্জিত কুমাৰ দাস
নৰেন্দ্ৰ মোদী-হিমন্ত বিশ্ব থাকিলে অসমত সকলো বুথেই হ’ব কংগ্ৰেছ মুক্ত। এই মন্তব্য মন্ত্ৰী তথা বিজেপিৰ ৰাজ্যিক সভাপতি ৰঞ্জিত কুমাৰ দাসৰ। ৰাজ্যত কেইবাগৰাকীও…