বেংগালুৰুত উদ্ধাৰ অসমৰ যুৱকৰ মৃতদেহ

ৰহস্যজনক পৰিস্থিতিত বেংগালুৰুত উদ্ধাৰ হৈছে অসমৰ কাছাৰৰ এজন যুৱকৰ মৃতদেহ।

বেংগালুৰুৰ এজন বন্ধুৰ কোঠাত সন্দেহজনক পৰিস্থিতিত মৃত অৱস্থাত উদ্ধাৰ কৰা হয় টুপন দাস নামৰ যুৱকজনক।

কাছাৰ জিলাৰ কাটিগড়াৰ ছিয়ালটেক গাঁৱৰ বাসিন্দা দাস কেইমাহমান পূৰ্বে কৰ্মসূত্ৰে বেংগালুৰুলৈ গুচি গৈছিল বুলি জানিব পৰা গৈছে।

তেওঁ মহানগৰীখনত নিৰাপত্তাৰক্ষী হিচাপে কৰ্মৰত আছিল।

তেওঁলোকৰ শ্বেয়াৰ কৰা ঘৰৰ বন্ধুৰ কোঠাত ওলমি থকা অৱস্থাত উদ্ধাৰ কৰা হয় দাসক।

টুপনক হত্যা কৰা হ’ব পাৰে বুলি সন্দেহ কৰি তেওঁৰ পৰিয়ালে অভিযোগ উত্থাপন কৰিছে।

তেওঁৰ ৰহস্যজনক মৃত্যুৰ আঁৰৰ সত্য উন্মোচন কৰিবলৈ পুলিচক পুংখানুপুংখ তদন্তৰ বাবে আবেদন জনাইছে।

আৰক্ষীয়ে এই সন্দৰ্ভত তদন্ত কৰি থকা বুলি জানিবলৈ দিয়ে।