বিশ্বকাপজয়ী ভাৰতীয় দলক স্বদেশলৈ অনাৰ বাবে বাৰ্বাডোছ এয়াৰপৰ্টত অৱতৰণ এয়াৰ ইণ্ডিয়াৰ বিশেষ চাৰ্টাড বিমান

টি-২০ বিশ্বকাপ ২০২৪ৰ জয়ৰ পাছত বিজয়ী ভাৰতীয় দলক ঘৰলৈ ঘূৰাই অনাৰ বাবে বাৰ্বাডোছ বিমানবন্দৰত উপস্থিত হৈছে এয়াৰ ইণ্ডিয়াৰ বিশেষ চাৰ্টাৰ্ড বিমান। উল্লেখযোগ্য যে প্ৰতিযোগিতাখনত জয়লাভ কৰাৰ পাছত কেৰিবিয়ান দ্বীপপুঞ্জত বিধ্বংসী ৰূপ ধাৰণ কৰা হাৰিকেন বেৰিলৰ বাবে দেশত আবদ্ধ হৈ পৰিছে ভাৰতীয় দল।

হাৰিকেনৰ ধ্বংসাত্মক প্ৰকৃতিৰ কথা মনত ৰাখি দলটোক নিজৰ হোটেলত থাকিবলৈ পৰামৰ্শ দিয়া হয় আৰু ২৯ জুনত জয়লাভ কৰাৰ পাছৰে পৰা দলটো দেশখনতে আছে। সেয়েহে অৱশেষত বাৰ্বাডোছত বতৰ পৰিষ্কাৰ হোৱাৰ লগে লগে বিচিচিআই (ভাৰতত ক্ৰিকেট নিয়ন্ত্ৰণ ব’ৰ্ড) দলটোৱে ঘৰলৈ উভতি যাবলৈ বিশেষ চাৰ্টাৰ্ড বিমানৰ ব্যৱস্থা কৰিছে।

আজি মেন ইন ব্লু দলে বিমানখন লোৱাৰ সম্ভাৱনা আছে আৰু পুৱাৰ ভাগত দিল্লীত অৱতৰণ কৰিব য’ত তেওঁলোকে প্ৰধানমন্ত্ৰী নৰেন্দ্ৰ মোদীৰ সৈতে সাক্ষাৎ কৰিব। ইয়াৰ পূৰ্বেও প্ৰধানমন্ত্ৰী মোদীয়ে দলটোক ঐতিহাসিক জয়ৰ বাবে ফোন কলৰ জৰিয়তে অভিনন্দন জনায়।

বিচিচিআইৰ সম্পাদক জয় শ্বাহে বাৰ্বাডোছত আবদ্ধ হৈ থকা ভাৰতীয় সংবাদ মাধ্যমৰ কৰ্মীসকলক দলটোৰ সৈতে ঘৰলৈ উভতি যোৱাৰ প্ৰস্তাৱো আগবঢ়াইছে। টি-২০ বিশ্বকাপত দ্বিতীয়বাৰৰ বাবে জয়লাভ কৰাৰ পাছতে অনুৰাগীসকলে আগ্ৰহেৰে অপেক্ষা কৰি আছে দল ভাৰতৰ প্ৰত্যাৱৰ্তনৰ বাবে। ২৯ জুন শনিবাৰে বাৰ্বাডোছৰ কেনচিংটন অভাল ব্ৰীজটাউনত অনুষ্ঠিত হোৱা ফাইনেলত দক্ষিণ আফ্ৰিকাক ৭ ৰানত পৰাস্ত কৰে মেন ইন ব্লু-এ।