সমলিংগ বিবাহৰ ৰায় পুনৰ বিবেচনা কৰিব উচ্চতম ন্যায়ালয়ে

উচ্চতম ন্যায়ালয়ৰ এখন সংবিধান বিচাৰপীঠে ২০২৩ চনত সমলিংগ বিবাহক বৈধতা প্ৰদান কৰিব নে নকৰে সেই সন্দৰ্ভত কেন্দ্ৰীয় চৰকাৰৰ কমিটীক ব্যৱস্থা গ্ৰহণ কৰিবলৈ কয়। বিষয়টো বিধানমণ্ডলৰ ওপৰত এৰি দিয়া হয়। ১০ জুলাইত পুনৰ এই গোচৰৰ পুনৰীক্ষণ কৰিবলৈ ওলাইছে উচ্চতম ন্যায়ালয়। মুখ্য ন্যায়াধীশ ডি ৱাই চন্দ্ৰচূড়ৰ নেতৃত্বত পাঁচজনীয়া বিচাৰপীঠে বিগত বছৰৰ ৰায় পুনৰ পৰীক্ষা কৰিব। আদালতৰ সূত্ৰ অনুসৰি মুখ্য ন্যায়াধীশ চন্দ্ৰচূড়ৰ বাহিৰেও ন্যায়াধীশ সঞ্জীৱ খান্না, ন্যায়াধীশ হিমা কোহলী, ন্যায়াধীশ বি ভি নাগৰত্না আৰু ন্যায়াধীশ পি এছ নৰসিংহ থাকিব। ২০২৩ চনৰ ১৭ অক্টোবৰৰ ৰায়ৰ বিৰুদ্ধে পুনৰ আদালতত আবেদন দাখিল কৰে এলজিবিটিকিউ সকলে। ইয়াৰ পাছত ৰায়দান পুনৰ বিবেচনা কৰাৰ সিদ্ধান্ত ন্যায়ালয়ে গ্ৰহণ কৰে।

২০২৩ চনৰ ১৭ অক্টোবৰত মুখ্য ন্যায়াধীশ ডি ৱাই চন্দ্ৰচূড়ৰ নেতৃত্বত পাঁচজনীয়া সংবিধান বিচাৰপীঠে ৰায় দিছিল যে কেৱল সংসদ বা বিধানমণ্ডলেহে সমলিংগ বিবাহক বৈধতা প্ৰদান কৰিব পাৰে। আদালতে আইন বনাব নোৱাৰে, কেৱল ব্যাখ্যাহে কৰিব পাৰে। সমলিংগ সম্পৰ্কক অৱশ্যে স্বীকৃতি দিয়া হৈছিল। মুখ্য ন্যায়াধীশৰ উপৰিও বিচাৰপীঠত আছিল ন্যায়াধীশ সঞ্জয় কিষেন কৌল, ন্যায়াধীশ এছ ৰবীন্দ্ৰ ভাট, ন্যায়াধীশ পি এছ নৰসিং আৰু ন্যায়াধীশ হিমা কোহলী। পাঁচোজন ন্যায়াধীশে সমলিংগ দম্পতীক একেলগে থাকিবলৈ অনুমতি দিছিল। তেওঁ স্পষ্টকৈ কৈছিল যে সমলিংগ দম্পতীক কোনো ধৰণে হাৰাশাস্তি কৰিব নোৱাৰি। ন্যায়াধীশসকলেও সকলোৱে এলজিবিটিকিউসকলৰ অধিকাৰ সুৰক্ষিত কৰাৰ ক্ষেত্ৰত একমত হয়। এই সন্দৰ্ভত উচ্চতম ন্যায়ালয়ে লক্ষ্য কৰিলে যে সমকামিতা সম্পূৰ্ণ স্বাভাৱিক। সেই অনুসৰি সম্পৰ্কৰ অধিকাৰৰ কোনো তাৰতম্য হ’ব নোৱাৰে।

পাঁচজন ন্যায়াধীশে কিছুমান কথাত একমত হৈছিল, আন কিছুমানত মতানৈক্য প্ৰকাশ কৰিছিল। কিন্তু এটা কথাত পাঁচোজন বিচাৰকে একমত হৈছিল যে সমলিংগ আকৰ্ষণ ‘আধুনিক নগৰীয়া অভ্যাস’ নহয়, স্বাভাৱিক পৰিঘটনা। তদুপৰি, বিষমযৌন দম্পতীয়েহে শিশুক সুস্থিৰ জীৱন দিব পাৰে বুলি কোৱা তত্ত্বটো মুখ্য ন্যায়াধীশে মানি ল’ব বিচৰা নাছিল। তেওঁৰ ৰায়দানত তেওঁ কয় যে সমলিংগ দম্পতীয়ে আইনী স্বীকৃতি বিচৰাৰ অধিকাৰ আছে। ন্যায়াধীশ কৌল এইক্ষেত্ৰত মান্তি হয়। কিন্তু ন্যায়াধীশ নৰসিং, ন্যায়াধীশ ভাট আৰু ন্যায়াধীশ কোহলীয়ে স্পষ্টভাৱে কয় যে বিবাহ স্বীকৃতিৰ বিষয়ত আদালতে কোনো সিদ্ধান্ত ল’ব নোৱাৰে। যিহেতু সম্পৰ্কৰ অধিকাৰৰ ক্ষেত্ৰত ন্যায়াধীশসকলৰ মাজত কোনো মতানৈক্য নাছিল, সেয়েহে সংসদত আইন প্ৰণয়ন কৰি সমলিংগ বিবাহক স্বীকৃতি দিয়াৰ কোনো উপায় আছে নেকি সেই বিষয়ে আদালতে গুৰুত্ব আৰোপ কৰে। প্ৰসংগক্ৰমে ছলিচিটৰ জেনেৰেল তুষাৰ মেহতাই আদালতক প্ৰতিশ্ৰুতি দিছিল যে অতি সোনকালে সমলিংগ বিবাহৰ সিদ্ধান্ত ল’বলৈ এখন কমিটী গঠন কৰা হ’ব।

যোৱা বছৰ ৰায়দানৰ সময়ত এলজিবিটিকিউ সম্প্ৰদায়ৰ মাজত প্ৰশ্ন উত্থাপন হৈছিল যে কেন্দ্ৰৰ বিজেপি চৰকাৰে কিবা ব্যৱস্থা গ্ৰহণ কৰিব নেকি? ৰায়ৰ পুনৰ বিবেচনাৰ বাবে আৱেদন কৰে। সেই আবেদন উচ্চতম ন্যায়ালয়ে গ্ৰহণ কৰিছিল।