গুৱাহাটীৰ ব্যৱসায়ীৰ মৃতদেহ উদ্ধাৰ; চতুৰ্থ পত্নীৰ বিৰুদ্ধে অভিযোগ তৃতীয় পত্নীৰ

গুৱাহাটীৰ এজন সুপৰিচিত ব্যৱসায়ীৰ মৃতদেহ দেওবাৰে নূনমাটি অঞ্চলৰ নিজৰ ঘৰত উদ্ধাৰ হোৱা বুলি জানিব পৰা গৈছে।

ব্যৱসায়ী কুমাৰ গৌৰৱ (৪৪) ৰহস্যজনক পৰিস্থিতিত তেওঁৰ নূনমাটিৰ বাসগৃহত মৃত অৱস্থাত উদ্ধাৰ হয়।

পাৱাৰ টিলাৰ, ট্ৰেক্টৰ, অটো আৰু ফাইনেন্স কোম্পানীৰ ব্যৱসায় কৰা স্বনামধন্য ‘কুমাৰ ইঞ্জিনিয়াৰিং’ৰ স্বত্বাধিকাৰী গৌৰৱ চতুৰ্থ পত্নীৰ সৈতে বাস কৰা ঘৰত মৃত অৱস্থাত উদ্ধাৰ হয়।

জি এম চি এইচৰ মৰ্গত উপস্থিত থকা গৌৰৱৰ তৃতীয় পত্নীৰ পৰা অভিযোগ উত্থাপন হোৱাৰ লগে লগে পৰিস্থিতিয়ে নাটকীয় ৰূপ ধাৰণ কৰে।

চতুৰ্থ পত্নীয়ে তেওঁক মানসিকভাৱে কৰা হাৰাশাস্তিৰ বাবেই নিজৰ প্ৰাণ কাঢ়ি নিয়াৰ অভিযোগ উত্থাপন কৰে তৃতীয় পত্নীয়ে।

তেওঁ দাবী কৰে যে তেওঁলোকৰ শেষ কথা-বতৰাৰ সময়ত গৌৰৱে চতুৰ্থ পত্নীৰ দ্বাৰা সৃষ্টি হোৱা তীব্ৰ আৱেগিক হতাশা প্ৰকাশ কৰিছিল।

তেওঁ এইক্ষেত্ৰত আৰক্ষীৰ পুংখানুপুংখ তদন্ত বিচাৰিছে।

অৱশ্যে এই ঘটনা সন্দৰ্ভত তেওঁৰ চতুৰ্থ পত্নীয়ে কোনো আনুষ্ঠানিক বক্তব্য দিয়া নাই।