নতুন সমিতি গঠন আৰু বিহুৰ ২৫ বছৰীয়া জয়ন্তী উদযাপনৰ পৰিকল্পনা অসম ছ’চাইটি অৱ বেংগালুৰুৰ

২০২৫–২০২৭ বৰ্ষৰ কাৰ্যকালৰ বাবে নতুন সমিতিৰ গঠন কৰাৰ লগতে ২০২৬ চনত বেংগালুৰুত ২৫ সংখ্যক বিহু উদযাপনৰ পৰিকল্পনা উন্মোচন কৰিছে অসম ছ’চাইটি অৱ বেংগালুৰুৱে। ইতিমধ্যে ছ’চাইটিৰ বাৰ্ষিক সাধাৰণ সংস্থাৰ বৈঠক সফলতাৰে সমাপ্ত হৈছে।

অসম ছ’চাইটি অৱ বেংগালুৰুৱে সংবাদ মাধ্যমলৈ প্ৰেৰণ কৰা এক বিবৃত্তি অনুসৰি নতুন সভাপতি হিচাপে দায়িত্ব দিয়া হৈছে প্ৰাঞ্জল মেধিক। উপ সভাপতিৰ দায়িত্ব দিয়া হৈছে ক্ৰমে নীলম চৌধুৰী আৰু পল্লবী শৰ্মাক।

অভিজিৎ থাপাক সাধাৰণ সম্পাদক, প্ৰজ্ঞান বৰুৱা আৰু ভাস্কৰ বৰুৱাক সহকাৰী সাধাৰণ সম্পাদক, জ্যোতিপ্ৰসাদ বৰ্মনক সদস্য সম্পৰ্ক আৰু সমন্বয়ৰ সচিব, ধ্ৰুৱ হাজৰিকাক সাম্প্ৰদায়িক কল্যাণ সচিব (সমাজ কল্যাণ), অমিত দাসক ৰাজহুৱা আৰু সংবাদ মাধ্যমৰ সচিব (পি আৰ), অঞ্জন দাসক ক্রীড়া আৰু যুৱ নিয়োগ সচিব আৰু অফিচিয়েল সদস্যৰ দায়িত্ব পুলকেশ বৰ্মন, দিপাংকৰ কলিতা আৰু ছাকিৰা বেনাজিক প্ৰদান কৰা হৈছে।

উল্লেখ্য যে অসম ছ’চাইটি অৱ বেংগালুৰুৰ লক্ষ্য হৈছে বেংগালুৰুত অসমীয়া সংস্কৃতি আৰু সমাজৰ প্ৰচাৰ-প্ৰসাৰ।

দীঘলীয়া সময় ধৰি বিভিন্ন কৰ্মশালা, সংগীত, নৃত্য, আৰু নেটৱৰ্কিং অনুষ্ঠানৰ জৰিয়তে অসমীয়া সংস্কৃতিৰ প্ৰচাৰ কৰি আহিছে অসম ছ’চাইটি অৱ বেংগালুৰুৱে।

অনাগত সময়ত বিহুকে ধৰি নিয়মীয়া সাংস্কৃতিক অনুষ্ঠানৰ মাজেদি নৱ প্ৰজন্মক আকৰ্ষিত কৰিবলৈ চেষ্টা কৰিব অসম ছ’চাইটি অৱ বেংগালুৰুৱে।

অসম ছ’চাইটি অৱ বেংগালুৰুৰ সদস্য আৰু আৰু স্বেচ্ছাসেৱকসকলক সন্মান জনোৱাৰ বাবে বিশেষ বঁটাও ঘোষণা কৰিব অসম ছ’চাইটি অৱ বেংগালুৰুৱে। ২০২৬ চনত অসম ছ’চাইটি অৱ বেংগালুৰুৰ ৰঙালী বিহু উদযাপনৰ ২৫ বছৰীয়া জয়ন্তী পালন কৰিব অসম ছ’চাইটি অৱ বেংগালুৰুৰৱে।