সুৰাত মাতাল চালক! ছয়মাইল উৰণীয়া সেঁতুত চাৰিচকীয়া বাহনৰ খুন্দাত জীৱন মৃত্যুৰে যুঁজিছে পথাচাৰীয়ে

মঙলবাৰে নিশা অসমৰ গুৱাহাটীৰ ছয়মাইল উৰণীয়া সেতুত সংঘটিত হয় হিট এণ্ড ৰানৰ ঘটনা।

এই দুৰ্ঘটনাত ভৰিত গুৰুতৰভাৱে আঘাতপ্ৰাপ্ত হয় এগৰাকী পথচাৰী।

খবৰ অনুসৰি, ভুল দিশত অহা AS01FJ5386 নম্বৰৰ এখন দ্ৰুতবেগী গাড়ীয়ে দুখন চাৰিচকীয়া বাহন, এখন ৰখাই থোৱা স্কুটাৰ আৰু শেষত পথচাৰীজনৰ লগত খুন্দা মাৰে।

ঘটনা সংঘটিত হোৱাৰ পিছত মাতাল চালকজনে গাড়ীতে সুৰাৰ বটল এৰি ততাতৈয়াকৈ পলায়ন কৰে।

আহত পথচাৰীজনক স্থানীয় লোকে চিকিৎসালয়লৈ লৈ যায়।ঘটনা সন্দৰ্ভত আৰক্ষীয়ে তদন্ত আৰম্ভ কৰিছে।