গুৰুতৰভাৱে অসুস্থ! হঠাতে বুকুত বিষ, চেন্নাইৰ চিকিৎসালয়ত ভৰ্তি সংগীত শিল্পী এ আৰ ৰহমান

অস্কাৰ বিজয়ী সংগীত শিল্পী এ আৰ ৰহমানক হঠাতে বুকুৰ বিষৰ বাবে চেন্নাইৰ গ্ৰাইমছ ৰোডৰ এখন ব্যক্তিগত চিকিৎসালয়ত ভৰ্তি কৰোৱা হৈছে। সংগীতজ্ঞজনক জৰুৰীকালীন বিভাগত ভৰ্তি কৰা হৈছে।

জানিব পৰা মতে দেওবাৰে পুৱা ৭-৩০ বজাৰ ভিতৰতে তেওঁক জৰুৰী অৱস্থাত চিকিৎসালয়লৈ লৈ যোৱা হয়। ইতিমধ্যে চিকিৎসকে তেওঁৰ এঞ্জিঅ’গ্ৰাফী কৰা বুলি জানিব পৰা গৈছে।

ইয়াৰ উপৰিও অস্কাৰ বিজয়ী সংগীত পৰিচালকগৰাকীৰ ইচিজি আৰু ইকোকাৰ্ডিঅ’গ্ৰামো কৰা হয়। তেওঁৰ চিকিৎসাৰ বাবে বিশেষজ্ঞ চিকিৎসকৰ এটা দল গঠন কৰা হৈছে।

উল্লেখ্য যে ৫৭ বছৰীয়া এইগৰাকী শিল্পীয়ে দীৰ্ঘদিন ধৰি বলীউড আৰু দক্ষিণ ভাৰতীয় চিনেমাৰ সৈতে জড়িত হৈ আছে। ২০০৯ চনত তেওঁ স্লামডগ মিলিয়নাৰ ছবিত সংগীত পৰিচালনাৰ বাবে অস্কাৰ বঁটা লাভ কৰে।

অৱশ্যে শিল্পীগৰাকীৰ অসুস্থতাৰ সন্দৰ্ভত কোনো ধৰণৰ বক্তব্য প্ৰদান কৰা নাই শিল্পীগৰাকীৰ পৰিয়ালে। অৱশ্যে ৰহমানৰ অসুস্থতাৰ খবৰক লৈ ৰহমানৰ অনুৰাগীসকল চিন্তিত হৈ পৰিছে আৰু তেওঁৰ আশু আৰোগ্য কামনা কৰিছে।