দক্ষিণ চীন সাগৰত চীনৰ আধিপত্য প্ৰতিহত কৰিবলৈ গঠন হ’ল ‘স্কোৱাড’! ভাৰতক যোগদান কৰিবলৈ আহ্বান আমেৰিকাৰ
কোৱাড মিত্ৰতাৰ পিছত দক্ষিণ চীন সাগৰত চীনৰ আধিপত্য প্ৰতিহত কৰিবলৈ ‘স্কোৱাড’ নামৰ নতুন মিত্ৰজোঁট গঠন কৰি ভাৰত-প্ৰশান্ত মহাসাগৰীয় অঞ্চলত নিজৰ সামৰিক প্ৰভাৱ বৃদ্ধিৰ চেষ্টা আমেৰিকাৰ।
জাপান, অষ্ট্ৰেলিয়া আৰু ফিলিপাইনছক সামৰি লোৱা এই সামৰিক মিত্ৰজোঁটত যোগদান কৰিবলৈ ভাৰত আৰু দক্ষিণ কোৰিয়াক আমন্ত্ৰণ কৰিবলৈ আগ্ৰহ প্ৰকাশ কৰিছে আমেৰিকাই।
প্ৰকাশিত তথ্য অনুসৰি ফিলিপাইনছে ইতিমধ্যে মিত্ৰজোঁটত যোগদান কৰিবলৈ ভাৰতক আমন্ত্ৰণ জনাইছে। দক্ষিণ চীন সাগৰত চীনৰ ক্ৰমবৰ্ধমান আগ্ৰাসন আৰু টাইৱানৰ নিৰাপত্তাৰ সন্দৰ্ভত নিৰাপত্তাজনিত উদ্বেগৰ সৈতে মোকাবিলা কৰিবলৈ ২০২৪বৰ্ষতে হাৱাইত পেন্টাগনে আনুষ্ঠানিকভাৱে ‘স্কোৱাড’ৰ গঠন কৰিছিল ।
ফিলিপাইনছ, ভিয়েটনাম, ইণ্ডোনেছিয়াৰ দৰে দেশসমূহে দক্ষিণ চীন সাগৰীয় ভূখণ্ডৰ দাবীক লৈ চীনৰ সৈতে দীৰ্ঘদিনীয়া বিবাদ লিপ্ত হৈ আছে আৰু এই পৰিস্থিতিৰ সুযোগ গ্ৰহণ কৰিব বিচাৰিছে আমেৰিকাই।
ইফালে, ২০০৭ চনত গঠন হোৱা কোৱাডত ইতিমধ্যে ভাৰত, অষ্ট্ৰেলিয়া, আৰু জাপানক অন্তৰ্ভুক্ত কৰা হৈছে আৰু এই অঞ্চলত বেইজিঙৰ প্ৰভাৱ প্ৰতিহত কৰাত গুৰুত্ব আৰোপ কৰা হৈছে। ভাৰত-প্ৰশান্ত মহাসাগৰীয় অঞ্চলত ভাৰতে নিজৰ শক্তি প্ৰদৰ্শন কৰি কোৱাডৰ অধীনত কেইবাটাও সামৰিক অনুশীলনত অংশগ্ৰহণ কৰিছে।
কিন্তু দক্ষিণ চীন সাগৰত চীনৰ ভূখণ্ডৰ দাবীৰ বাবে ‘স্কোৱাড’ত যোগদানৰ কৰিলে চীনৰ সৈতে প্ৰত্যক্ষ সংঘৰ্ষ হোৱাৰ সম্ভাৱনাৰ বাবে এই পৰ্যন্ত ভাৰতে আনুষ্ঠানিকভাৱে এই আমন্ত্ৰণৰ প্ৰতি সঁহাৰি জনোৱা নাই।
You may also like
ৰাষ্ট্ৰীয় নিৰাপত্তা আইনৰ অধীনত হংকঙত ৪৭ বিৰোধী নেতাক গ্ৰেপ্তাৰ চীন নিয়ন্ত্ৰাধীন কৰ্তৃপক্ষৰ
ৰাষ্ট্ৰীয় নিৰাপত্তা আইনৰ অধীনত হংকঙৰ ৪৭ গৰাকী বিৰোধী নেতা-নেত্ৰীক গ্ৰেপ্তাৰ কৰা হৈছে। উল্লেখ্য যে, যোৱা বছৰ বেইজিঙে হংকঙত ৰাষ্ট্ৰীয় নিৰাপত্তা আইনখন বলৱৎ…
পৰিৱেশ সুৰক্ষাৰ নামত আদালতত এতিয়া কেৱল নাটকহে চলিছে- উচ্চতম ন্যায়ালয়ৰ প্ৰাক্তন ন্যায়াধীশ দীপক গুপ্তাৰ বিস্ফোৰক মন্তব্য
ৰাজস্থানৰ নিমলিত অলপতে অনুষ্ঠিত হোৱা অনিল আগৰৱালা ডাইলগ ২০২৬ শীৰ্ষক এক অনুষ্ঠানত অংশগ্ৰহণ কৰি উচ্চতম ন্যায়ালয়ৰ প্ৰাক্তন ন্যায়াধীশ দীপক গুপ্তাই দেশৰ বৰ্তমানৰ…
আকৌ বিজেপিৰ missedcall; এইবাৰ C(A)Aৰ সমৰ্থনত missedcall দিবলৈ আহ্বান ৰঞ্জিত দাসৰ
ৰাজ্যৰ চৌদিশে নাগৰিকত্ব (সংশোধন) আইনৰ বিৰুদ্ধে উত্তাল প্ৰতিবাদ সাব্যস্ত কৰি থকাৰ মাজতে বিজেপিয়ে আইনখনৰ সমৰ্থনত মিছড কল সেৱা মুকলি কৰে। আজি ‘কা’…
ৰাজপথৰ দাঁতিত গছৰ তলত সন্তান জন্ম দিলে ৫০০ কিলোমিটাৰ খোজকাঢ়ি অহা প্ৰব্ৰজিত শ্ৰমিকে
তৃতীয় পৰ্যায়ৰ ল’কডাউনৰ সময়ত দেশৰ বিভিন্ন প্ৰান্তত আৱদ্ধ হৈ থকা প্ৰব্ৰজিত শ্ৰমিক সকলে যিকোনো প্ৰকাৰে স্বগৃহলৈ উভতি অহাৰ বাবে প্ৰচেষ্টা অব্যাহত ৰাখিছে।…