ইউনেস্ক’ৰ ‘মেম’ৰী অৱ দ্য ৱৰ্ল্ড ৰেজিষ্টাৰ’ত লিপিবদ্ধ হ’ল শ্ৰীমদ্ভগৱদগীতা আৰু নাট্যশাস্ত্ৰৰ নাম

ভাৰতৰ সাংস্কৃতিক আৰু দাৰ্শনিক উত্তৰাধিকাৰৰ ঐতিহাসিক স্বীকৃতি স্বৰূপে ভাগৱতগীতা আৰু ভাৰত মুনিৰ নাট্যশাস্ত্ৰ ইউনেস্ক’ৰ ‘মেম’ৰী অৱ দ্য ৱৰ্ল্ড ৰেজিষ্টাৰ’ত লিপিবদ্ধ কৰা হৈছে।

প্ৰধানমন্ত্ৰী নৰেন্দ্ৰ মোদীয়ে ছ’চিয়েল মিডিয়াত প’ষ্ট কৰি ইয়াক “সমগ্ৰ বিশ্বৰ প্ৰতিজন ভাৰতীয়ৰ বাবে এক গৌৰৱৰ মুহূৰ্ত” বুলি অভিহিত কৰিছে।

প্ৰধানমন্ত্ৰী মোদীয়ে কেন্দ্ৰীয় সাংস্কৃতিক আৰু পৰ্যটন মন্ত্ৰী গজেন্দ্ৰ সিং শ্বেখাৱটৰ এটা পোষ্ট ৰিটুইট কৰি এই খবৰ প্ৰকাশ কৰিছিল। শ্বেখাৱাটে এই ঘোষণাক “ভাৰতৰ সভ্যতাবাদী ঐতিহ্যৰ বাবে এক ঐতিহাসিক মুহূৰ্ত” বুলি অভিহিত কৰে।

প্ৰধানমন্ত্ৰী নৰেন্দ্ৰ মোদীয়ে টুইটত লিখিছে, ‘এয়া সমগ্ৰ বিশ্বৰ ভাৰতীয়সকলৰ বাবে অতি গৌৰৱৰ দিন। ইউনেস্ক’ৰ এই মৰ্যাদা আমাৰ কালজয়ী জ্ঞান আৰু চহকী সংস্কৃতিৰ আন্তঃৰাষ্ট্ৰীয় স্বীকৃতি। গীতা আৰু নাট্য শাস্ত্ৰই আমাৰ সভ্যতা আৰু চেতনাক যুগ যুগ ধৰি বিকশিত কৰি আহিছে। ইয়াৰ অন্তৰ্দৃষ্টি আৰু দৰ্শনে সমগ্ৰ বিশ্বৰ মানুহক অনুপ্ৰাণিত কৰিছে।

উল্লেখ্য যে ইউনেস্ক’ৰ ‘মেম’ৰী অৱ দ্য ৱৰ্ল্ড ৰেজিষ্টাৰ’ত গুৰুত্বপূৰ্ণ ঐতিহাসিক লেখা, পাণ্ডুলিপি, আৰু নথি-পত্ৰক স্বীকৃতি দিয়া হয়।