হস্তী-মানৱৰ সংঘাত! ২৪ ঘন্টাৰ ভিতৰত নুমলীগড়ত হাতীৰ আক্ৰমণত ২ জন লোকৰ মৃত্যু

নুমলীগড়ৰ সমীপত বনৰীয়া হাতীৰ আক্ৰমণত এজন লোকে প্ৰাণ হেৰুওৱাৰ ২৪ ঘন্টাৰ ভিতৰত বকিয়াল ফৰেষ্ট ৰেঞ্জ এলেকাত প্ৰাণ হেৰুৱালে আন এজন লোকে।

শেহতীয়াকৈ সংঘটিত হাতীৰ আক্ৰমণৰ ধাৰাবাহিকতাই স্থানীয় বাসিন্দাসকলৰ মাজত আতংকৰ সৃষ্টি কৰিছে।

মৃত যুৱকজন নুমলীগড়ৰ সমীপৰ জেকচন গ্ৰাণ্ট গাঁৱৰ বাসিন্দা দেৱচৰণ নুনিয়া বুলি জানিব পৰা গৈছে। প্ৰত্যক্ষদৰ্শীৰ তথ্য অনুসৰি ভুক্তভোগী যুৱকজনে নিজৰ বাসগৃহৰ সন্মুখত অৱস্থিত ব্যক্তিগত মালিকানাধীন চাহ বাগিচা এখনত চকীদাৰীৰ কৰ্তব্যত থকা অৱস্থাত নিশা বনৰীয়া হাতীয়ে তেওঁৰ ওপৰত আক্ৰমণ চলায়। এই আক্ৰমণত তেওঁ আঘাতপ্ৰাপ্ত হৈ ঘটনাস্থলীতে মৃত্যুবৰণ কৰে।