কণীৰ পৰা তৈয়াৰ কৰা মেয়নিজ নিষিদ্ধ কৰিলে তামিলনাদুৰ চৰকাৰে : স্বাস্থ্যৰ বাবে কিমান ক্ষতিকাৰক জানো আহক

কেঁচা কণীৰ পৰা তৈয়াৰী মেয়নিজ এবছৰৰ বাবে নিষিদ্ধ কৰিছে তামিলনাডু চৰকাৰে। মেয়নিজ উৎপাদন বা বিক্ৰী কৰিব নোৱাৰিব। ৰাজ্যবাসীৰ স্বাস্থ্যৰ প্ৰতি লক্ষ্য ৰাখি এই সিদ্ধান্ত লোৱা বুলি খবৰ পোৱা গৈছে।

এই নিৰ্দেশনা খাদ্য সুৰক্ষা আৰু মানদণ্ড আইন, ২০০৬ৰ ধাৰা ৩০(২)(ক)ৰ অধীনত কাৰ্যকৰী হৈছে।

কেঁচা কণীৰ পৰা তৈয়াৰী মেয়নিজ পৰীক্ষা কৰি ছালমোনেলা টাইফিমিউৰিয়াম, ছালমোনেলা এণ্টেৰিটিডিছ, ইস্কেৰচিয়া কলাই, লিষ্টেৰিয়া মনোচাইট’জেনছ আদি বেক্টেৰিয়া থকা দেখা গৈছে। এইবোৰ মানুহৰ শৰীৰৰ বাবে অতি ক্ষতিকাৰক।

বিশেষজ্ঞসকলৰ মতে মেয়নিজ কণীৰ কুহুম, তেল, পানীৰে তৈয়াৰ কৰা হয়। কোৱা হয় যে কুহুম বা সৰিয়হৰ দৰে নিৰামিষ উৎসত থকা লেচিথিনে তৰল পদাৰ্থ দুটা মিহলাই ইমালচাইজিং এজেণ্ট হিচাপে কাম কৰে। অতিৰিক্ত উপাদানসমূহৰ ভিতৰত ভিনেগাৰ, চূণ থাকে। মেয়নিজত প্ৰায় ৭০-৮০ শতাংশ তেল থাকে।

কেঁচা কণীৰ কুহুমত অৰ্ধকঠিন ইমালচন বেক্টেৰিয়া থাকে, যাৰ ফলত খাদ্য বিষক্ৰিয়াৰ সম্ভাৱনা বৃদ্ধি পায়। যাৰ ফলত ডায়েৰিয়া, জ্বৰ, পেট ফুলাৰ দৰে ৰোগ হ’ব পাৰে।

ইয়াৰ উপৰিও ইয়াত এভিডিন নামৰ প্ৰ’টিন থাকে, যাৰ ফলত সময়ৰ লগে লগে বায়’টিনৰ অভাৱ হ’ব পাৰে।

বিশেষজ্ঞসকলৰ মতে, কেঁচা কণী ৰন্ধা কণীতকৈ হজম কৰাত কঠিন হোৱাৰ বাবে কিছুমান লোকে পেট ফুলা, গেছ বা পেটৰ অস্বস্তিৰ সন্মুখীন হ’ব পাৰে।

কেঁচা কণীয়ে ৰন্ধা কণীতকৈ অধিক গুৰুতৰ এলাৰ্জি প্ৰতিক্ৰিয়াৰ সৃষ্টি কৰিব পাৰে, বিশেষকৈ সংবেদনশীল ব্যক্তিৰ ক্ষেত্ৰত উশাহ-নিশাহ লোৱাত অসুবিধাৰ দৰে গুৰুতৰ সমস্যাৰ সৃষ্টি হয়।নিয়মিতভাৱে দূষিত কেঁচা কণী খালে বিশেষকৈ সৰু ল’ৰা-ছোৱালী, গৰ্ভৱতী মহিলা, বৃদ্ধ লোকৰ ৰোগ প্ৰতিৰোধ ক্ষমতা দুৰ্বল হোৱা হ’ব পাৰে।