শোকাবহ! গুজৰাটত এগৰাকী উদীয়মান মডেলৰ ৰহস্যজনক মৃত্যু

গুজৰাটৰ এটা বন্ধ কোঠাৰ পৰা উদ্ধাৰ হৈছে এগৰাকী উদীয়মান মডেলৰ মৃতদেহ। দেওবাৰে গভীৰ নিশা ঘৰত আত্মহত্যা কৰে ২৩ বছৰীয়া কিশোৰীগৰাকীয়ে। প্ৰাৰম্ভিক তদন্তত আৰক্ষীয়ে সন্দেহ কৰিছে যে তাই আত্মহত্যা কৰিছিল সম্পৰ্কত টান অহাৰ বাবে এই চৰম পন্থা গ্ৰহণ কৰিছে।

আৰক্ষীৰ সূত্ৰ অনুসৰি মৃত যুৱতীগৰাকীৰ নাম অঞ্জলি বৰ্মা। সৰুৰে পৰাই অভিনেত্ৰী হোৱাৰ সপোন আছিল গুজৰাটৰ চুৰাটৰ বাসিন্দা অঞ্জলি। সেই সপোন পূৰণ কৰিবলৈ অঞ্জলিয়ে মডেলিঙৰ জগতখনত প্ৰৱেশ কৰিছিল। ইতিমধ্যে যুৱতীগৰাকীৰ মৃত্যুক লৈ সন্দেহৰ সৃষ্টি হৈছে। আৰক্ষীৰ সূত্ৰ অনুসৰি অঞ্জলিৰ ইনষ্টাগ্ৰামত ৩৭ হাজাৰ ফ’ল’ৱাৰ আছে। ইয়াৰ উপৰিও ইউটিউবতো অতি সক্ৰিয় আছিল। অঞ্জলিয়ে মৃত্যুৰ পূৰ্বে ইনষ্টাগ্ৰামত দুটা ৰিল নিৰ্মাণ কৰিছিল বুলি সদৰী কাৰিছে আৰক্ষীয়ে। এটা ৰিলত লিখিছে, ‘আজি মই বুজি পাইছো যে মই আপোনাৰ বাবে গুৰুত্বপূৰ্ণ নহয়।’ দ্বিতীয় ৰিলত লিখিছে যে, ‘জীৱনত সকলো হেৰাই গ’লেও মই একো গুৰুত্ব নিদিওঁ। কিন্তু যেতিয়া প্ৰেমৰ অন্ত পৰে তেতিয়া ইয়াক গ্ৰহণ কৰিব নোৱাৰি।’

তদন্ত কৰি অঞ্জলিৰ ইনষ্টাগ্ৰাম হেণ্ডেলত এই পোষ্ট দুটাৰ সন্ধান পোৱাৰ পিছত আৰক্ষীয়ে অনুমান কৰে যে তেওঁৰ সম্পৰ্কত উত্তেজনাৰ বাবেই তেওঁ আত্মহত্যা কৰে। এগৰাকী আৰক্ষী বিষয়াই কয় যে, “এই স্থানৰ পৰা এতিয়ালৈকে কোনো ছুইচাইড নোট উদ্ধাৰ হোৱা নাই। অৱশ্যে সম্পৰ্কত উত্তেজনা থকাৰ বাবেই আত্মহত্যা কৰা বুলি অনুমান কৰা হৈছে।