জিমলৈ নোযোৱাকৈ এই বয়সতো কেনেকৈ ফিট হৈ আছে মিলিন্দ সুমন? ‎

মিলিন্দ সুমনৰ বয়স প্ৰায় ষাঠি বছৰ। মুখত দাড়ি, পেশীবহুল শৰীৰ আৰু ছয় ফুট উচ্চতা। বয়সৰ লগে লগে যেন তেওঁ ‎সৰু হৈ আহিছে। আচৰিত কথাটো হ’ল এই অভিনেতাজনে কোনো ধৰণৰ হাৰ্ডকোৰ ৱৰ্কআউট নকৰে। তেওঁ ব্যায়ামৰ ‎বাবে জিমলৈয়ো নাযায়। তথাপিও বহু মহিলা আৰু পুৰুষ অনুৰাগী তেওঁৰ শাৰীৰিক আকৰ্ষণক লৈ উন্মাদ। ফিট আৰু সুন্দৰ ‎হৈ থাকিবলৈ কি কৰে মিলিন্দ সুমনে?‎

‎ (১) মিলিন্দে শুই শোৱাৰ বাবে এটা নিৰ্দিষ্ট সময় বাছি লৈছে। প্ৰতি নিশা নিৰ্দিষ্ট সময়ত শুই ৰাতিপুৱা ৮.৩০ বজাত শুই ‎উঠে। তেওঁ সদায় এই নিয়ম মানি চলি আহিছে। শুই উঠাৰ লগে লগে সি ব্যায়াম কৰিবলৈ আৰম্ভ কৰে।

‎(২) শৰীৰটো ফিট কৰি ৰাখিবলৈ তেওঁ প্ৰতিদিনে মুকলি পৰিবেশত কিছু সময় ব্যায়াম কৰে। কিন্তু কোনো গধুৰ ব্যায়াম ‎নহয়। তেওঁ হাৰ্ডকোৰ ৱৰ্কআউট এৰাই চলিছে। মিলিন্দে যোগাসন, প্লেংক আৰু লঘু ব্যায়াম কৰিবলৈ পছন্দ কৰে।

‎(৩) মিলিন্দে চাহ বা কফি একেবাৰেই ভাল নাপায়। শৰীৰটো ফিট কৰি ৰাখিবলৈ তেওঁ খাদ্যত ফলমূল, শাক-পাচলি, শস্য ‎আদি ৰাখে। ব্ৰেকফাষ্টত বাদাম খাই দিনটো আৰম্ভ কৰে। পানীৰ উপৰিও তেওঁ খাদ্যত তৰমুজ বা পেঁপাৰ দৰে ফলৰ ৰসও ‎ৰাখে।

‎(৪) তেওঁ সপ্তাহত ৬০-৭০ কিলোমিটাৰ দৌৰে। তেওঁ নিয়মিতভাৱে সাঁতোৰ আৰু চাইকেল চলোৱাৰ দৰে ব্যায়ামো কৰে। ‎ইয়াৰ ফলত কঁকালৰ তলৰ অংশ বিশেষকৈ ভৰিৰ পেশীবোৰ ভাল ব্যায়াম হয়। একে সময়তে হৃদযন্ত্ৰৰ স্বাস্থ্যও বৃদ্ধি পায়।

‎(৫) প্ৰতিদিনে দুপৰীয়াৰ আহাৰ খোৱাৰ আগতে ৫০টা পুছ আপ কৰে মিলিন্দে। দিনটোৰ কামৰ মাজত সময় পালে ‎এনেদৰে ব্যায়াম কৰে।

‎(৬) বহুতে ভাবে যে মিলিন্দে কঠোৰ খাদ্যাভ্যাস মানি চলে। কিন্তু আমোদজনক কথাটো হ’ল তেওঁৰ ঘৰতে ৰন্ধা খাদ্যৰ প্ৰতি ‎বেছি আগ্ৰহ। বাহিৰৰ খাদ্য তেওঁ পৰিহাৰ কৰে। বিশেষকৈ পেকেটত ভৰোৱা খাদ্য। বৰঞ্চ তেওঁ ঘৰতে ৰন্ধা খাদ্য, কম ‎তেল আৰু মছলা খাবলৈহে বেছি পছন্দ কৰে। ‎