ৰঙাপৰাত বোৱাৰীৰ ৰহস্যজনক মৃত্যু; স্বামীৰ বিৰুদ্ধে হত্যাৰ অভিযোগ

শোনিতপুৰৰ ৰঙাপৰাত আজি মালবিকা বনীয়া নামৰ এগৰাকী বোৱাৰীৰ ৰহস্যজনক মৃত্যুৰ ঘটনাই সমগ্ৰ অঞ্চলজুৰি চাঞ্চল্যৰ সৃষ্টি কৰিছে।

ৰঙাপৰাৰ ৰেলৱে কলনিত সংঘটিত উক্ত ঘটনাটোত ৰেলৱে কলনিৰ নিবাসী ভূপেন বনিয়াৰ পত্নী মালবিকা বনিয়াৰ ঘৰৰ বাথৰূমত পিচলি পৰি মৃত্যু ঘটে।

আনহাতে মালবিকাৰ পৰিয়ালে উক্ত ঘটনাটি সম্পুৰ্ন পৰিকল্পিত ভাবে মালবিকাৰ স্বামী ভূপেন বনীয়াই হত্যা কৰাৰ সন্দেহ কৰি ৰঙাপৰা আৰক্ষী থানাত এখন এজাহাৰ দাখিল কৰিছে।

উল্লেখযোগ্য যে ইয়াৰ পুৰ্বেও ভূপেন বনীয়াৰ ককায়েকৰ পত্নীও ঘৰৰ ভিতৰতে ৰহস্যজনক ভাবে অগ্নিদগ্ধ হৈ মৃত্যু হৈছিল। ইতিমধ্যে ৰঙাপৰা আৰক্ষী ঘটনাস্থলীত উপস্থিত হৈ মৃত মালবিকা বনিয়াৰ মৃতদেহ চমজি লৈ মৰণোত্তৰ পৰীক্ষাৰ বাবে তেজপুৰলৈ প্ৰেৰন কৰিছে।

মৰণোত্তৰ পৰীক্ষাৰ পিচতহে মালবিকা বনীয়াক হত্যা কৰা হৈছিল নে তেওঁৰ পিচলি পৰি মৃত্যু হৈছিল তাক গম পোৱা যাব বুলি আৰক্ষীয়ে প্ৰকাশ কৰিছে।